08-03-2009, 12:56 AM
|
#160 (permalink)
|
|
مسافر متالق
تاريخ التسجيل: Aug 2007
رقم العضوية :154388
المشاركات: 759
|
هلا بالشباب
شكرا لمروركم على التقرير
اخوي حمد:
بالنسبه للمبلغ , نصيحتي خذ معك دولارات و اصرفها اهناك بكون الصرف احسنلك ومضمون الصرف. و تحمل تاخذ معك دنانير لانه ما يمشي اهناك. دولارات احسن لك
خذ معك المبلغ كامل بالدولارات و خل عندك الفيزا و بطاقة البنك احتياط هشان اذا صار شي (الله لا يقول يضيعون البيزات او اي شي اخر) يكون عندك احتياطي
حول من هنا مبلغ بسيط الى بات يعني تقريبا 100 دولار او حوالي 3000 بات من هنا في البحرين وخذها معاك عشان اول ما تنزل في بانكوك يكون عندك مبلغ تايلندي للتاكسي او بطاقه تلفون او غيرها من الاشياء وما تحتاج تصرف في المطار لان المطار سعرهم اغلى من الخارج
بالنسبه لي اخذت معي المبلغ كامل بالدولار و اخذت تقريبا 3000 بات ورحت بانكوك (ايضا الفيزا بطاقه البنك معي احتياطا) وبهد ما زصلت فوكت اشتريت بطاقه تلفون و دفعت للتاكسي و بعض الاطعمه يالمبلغ ال 3000 بات وكفتني الى ثاني يوم وبعدها كنت اصرف من الصراريف في المنطقه.
انا كنت خايف ما يكفيني المبلغ الى اخذته معي فكنت اذا ذهبت الى مطعم ثقه مثل مطعم سي فود درجه اولى(مطعم فندق مشهور) او حتى كنتاكي و مكدونالد او الفنادق كنت استخدم الفيزا عشان احتفظ بالمبلغ الكاش الي عندي للطوارئ وكنت اشيل من الكاش المبلغ الب دفعته بالفيزا و اخليه جهه عشان ماصرفه و الحمدلله رجعت وكان على الفيزا 500 دينار و لاكن كان المبلغ عندي و كنت شايله جهه بروحه و يوم رجعت رحت البنك ودفعت المبلغ كامل.
باستطاعتك استخدان بطاقه البنك في تايلند في اي صراف الي (انا استخدمت بطاقة الوطني في بانكوك و صديقي من قبل استخدم بطاقة البحرين و الكويت..... يس ياخذون مبلغ على كل سحبه ما ادري كم بالضبط يعني اذا بتسحب حاول تاخذ الي يكفيك وزياده في مره واحده)
بالنسبه لموعد السفره :
يعني بتسافر في الموسم (الله يعينك) الرحلات الي بانكوك في الصيف غاليه و ممتلئه يعني فل و مالك محط ريل ... حاول اذا اكدت التواريخ انك تحجز من الان عشان تحصل كرسي و تحصل سعر حلو ....
حاول تاخذ فره في الانترنت مواقع الطيران مثل الخليج و الاتحاد و الاماراتيه و القطريه و العمانيه وشوف الاسعار في التاريخ المحدد لك او التقريبي
طيران الخليج ميزتها انها دايركت يعني من البحرين الى بانكوك اما غيرها بتكون ترانزيت يعني يا تروح الى دبي و بعدها بانكوك او ابوظبي بانكوك او عمان بانكوك
الطيران العماني اهو الارخص بين هذه الشركات
الرحله مدتها 7 ساعات يعني رحله طويله خل بالك
بخصوص البرنامج:
شوف برامج الاخوان في تقاريرهم و شوف شنو يعجبك و شنو ترتاحله وقرر
يمكن برنامج سريع عباره عن :
4 ايام شنغ ماي
5 ايام فوكت او 6 ايام حسب المده ( بوكت الاجمل للسياحه و شهر العسل)
4 ايام بانكوك
وشوف الاخوان الاعضاء شو رايهم و تقدر تشارك و تكتب موضوع و تشاور وتشوف الاراء كلها وتقرر (لا تاخذ على راي شخص واحد )
يا خوي انا استانس اني يالس اساعد اخوي ...... وبلعكس لا هورت راسي ولا شي و اي سؤال انا حاضر و لا تستحي اسال واذا استطيع افعل شي بفعله لك
و اسمحلي على التاخير على الرد (تدري مشاغل الدنيا ما تخلص) و اي شي اخر انا حاضر ,,,,,
و الصراحه انا ودي اعطيك رقمي او تعطيني رقمك وممكن نتناقش و نتعرف على بعض بالتلفون او انتقابل و بكون اسهل و اوضح بس قوانين المنتدى ما تسمح اذا عندك طريقه اخرى انا حاضر
و مره ثانيه اقول لك اسف على التاخير و بانتظار ردك و اي استفسار اخر انا حاضر لك با خوي
في الانتظار
شكرا للمرور و المشاركم الجميله في الموضوع
|
|
|