14-01-2009, 01:19 PM
|
#5 (permalink)
|
|
مسافر متالق
تاريخ التسجيل: Apr 2007
رقم العضوية :127991
المشاركات: 707
|
فرحة وتجهيز مسبق..
الله يسلمك ويبارك فيك..أبشرك ولد وش زينه.. وصحته وأمه بعد زينة .. أشكر إتصالك.. ومع السلامة.. شايف يابو (...) وش زينه طالع لأمه صح..؟ لا وأنتي الصادقة هو ماخذ مني أكثر بس هالغيرة ذابحتكم يالحريم .. إلا وش رايك باللبس هذا فبل ما يجون الزوار.. نبيه يكون كاشخ عاد أول مره يستقبل بشر..ههههههههه
آمن مكان...
عاد ما صارت يا أم (....) أنا أبوه ولي حق فيه زيك خلي الولد في حظني شوي.. وإلا خايفة من ربشتي المعتادة..؟! صدقيني يا أم(...) إني أنسى الكون وأنتي بعد لا صار بأحظاني..ههههههههههه أشوفك مبوزة الله يستر..أمزح معك..
عكازة..
تأخرت اليوم يا أبو (.....)عندي لك مفاجأة.. وش عندك بعد..؟! خلك هنا على بعد متر.. وناد على(...) يله ياعيون ماما رح للبابا.. لا يطيح الولد يامره.. لاتخاف قلبي ويديني تصاحبه.. شفت كيف بدأ يحاول المشي.. يالله يا أم (...)محلا تكساره.. ولازم بهالفترة نصير له عكازة..
أحلى شقاوة..
حياك الله جارتنا القطوعة.. تفضلي تفضلي..إلا وش عندك يا أم (...) رافعة هالتحف صالتك صلعت..؟! أكيد بتصلع دام حلاقها (....) موجود.. ما خلا شئ بمكانه.. شقاوة بس أحلى شقاوة.. عاد لو شفتي وش يسوي بأبوه.. مسنتر عند الباب حافظ جيته.. ومن يدش هاتك أسئلة ومصارعة.. بيني وبينك أنواع الهسترة..
مدرسة ومستقبل..
يا أم(...)متأكدة حطيتي فطور (...) في شنطته وإنك عطيتيه فسحته..؟ إيه.. والله ييسر دربك ودربه..
وعند باب المدرسة كانت هذي الرسالة..يا(...) وأنا بوك.. اليوم بأبذرك في رياض العلم.. راجي الله فيك يبارك وتكون لنا في مستقبل الأيام جذع وظل وثمر..
رد الجميل..
ومرت هالسنين .. اللي غذاها كان حب وعطا..حرص وسهر وعمر..وكبر الولد وشب وكبر اللي بذر وشاب.. واليوم يوم الحصاد..و لا بد ما يطيب الحصاد.. وهذا لله دين..وللوالدين رد دين..
|
|
|