15-11-2008, 11:56 PM
|
#5 (permalink)
|
|
مشرفة بوابة البحرين
تاريخ التسجيل: Feb 2006
الدولة: *البحرين دار الزين*
رقم العضوية :61701
المشاركات: 4,484
|
هلا أختي ..
من وجهة نظري تقدرين تخلين البرنامج ليلتين الصن وي لاقون بس مايكون منهم يوم الثلثاء عشانها تسكر ..
اربع ليالي بينانق >> شانغريلا راساسايغ وتأكدي ان الغرفه بالراسا وينغ لانه الاحسن والاقرب للخدمات
( الفندق فيه نادي للأطفال مجاني يفتح يوميا لحد الساعه 7 المغرب فيه العاب والمكان مكيف)
والشاطئ حقه فيه العاب بحريه مثل الجت سكي و البراشوت وركوب الخيل والدباب البري ..ألخ
وبعدها المده تقدرين تخلينها بكوالالمبور كلها وتطلعين يوميا لمكان قريب منها.. والفندق انصحج بالسكن فشارع
العرب وفيه القراند ملينيوم والماريوت والوستن كلهم 5 نجوم ومواقعهم رهيبه كل الخدمات قريبه منكم
(صاير نفس شارع السالميه عندكم صوب مجمع الفنار)
والاماكن اللي انصحج بزيارتها بكوالا الجنتنق هايلاند بس خذو معاكم ثياب دافيه لان برد ..
عندج التمبلربارك في منطقة سلانجور وهو عباره شلالات ..
تقدرين تروحون اكواريا وهي قريبه من البرجين والصراحه ولدي واااايد استانس فيها ..
وتقدرين تروحين افاموسا مع اني ماجربت اروح لها لان في اعضاء مامدحوها بس تقدرين تبدلينها بالزوو نيقارا
عندج الفراشات المضيئه ..
وبالاخير هذا رأيي ولج حرية الاختيار واي استفسار ثاني احنا بالخدمه 
|
|
|