15-11-2008, 08:34 PM
|
#2 (permalink)
|
|
مسافرجديد
تاريخ التسجيل: Nov 2008
رقم العضوية :227612
المشاركات: 46
|
معذرة أختي.. أقترح عليك تعملي جدول خاص بك بنفسك لبعض الأسباب.. على سبيل المثال الفندق أو المنطقة اللي تعجب غيرك يمكن ماتعجبك انتي، مثلا البعض يقول ان فندق لنكاوي لاجون كئيب وبعيد عن المناطق التجارية والمطاعم، ولذلك مايعجبه.. في حين ان البعض الآخر يقول ان هذا الفندق مناسب للراحة والإستجمام بعيد عن الزحمة والإزعاج..
أيضا لازم تفصلي جدولك على رغباتك وقدراتك المادية والجسمية (اللي هو وزوجته غير عن اللي عنده عائلة كبيرة).. شيء أشخاص بيقترحوا لك يومين في سيلانجور ويومين في لنكاوي ويومين في بينانغ ويومين في كاميرون ويومين في كوالالمبور وهكذا.. علشان تزوري وتشوفي مناطق أكثر، في حين أن البعض الآخر بيقترح عليك مكانين أو ثلاثة بالكثير بس.. علشان تعطي كل مكان حقه وماتتعبي في السفرات من مكان لمكان..
غير كذا أحيانا رغم تشابه الخيارات بس انتي بيكون عندك رغبة معينة تريدي تحققيها، مثلا أنتي سألتي عن صن واي لاقون والأحصنة الذهبية.. كثير من الأخوة يروحوا لـ صن وي لاقون بس عن نفسي بروح الأحصنة الذهبية علشان أقضي مساء يوم الوصول في جولة في البحيرة وزيارة مجمع الماينز.. واليوم اللي بعده بخصصه لمنتجع صن وي لاقون..
خلاصة الكلام دام انك تريدي حاجة مفصلة أقترح عليك تطلعي على تقارير الإخوة اللي سافروا من قبل (هنا).. بهالطريقة بتكون عندك فكرة أفضل بدل ماحد يقترح لكم فندق معين أو جدول معين وبعدين يطلع مايناسبكم.. وبدل ماتكونوا رحتوا تتمشوا وتستانسوا بتكونوا تعبتوا وتبهدلتوا مع الفنادق والسفرات..
بالمناسبة، شو رأيك تخلي البداية في سيلانجور (واحد من الفندقين اللي ذكرتيهم)، والنهاية في كوالالمبور في فندق تريديرز؟؟
|
|
|