15-11-2008, 05:02 AM
|
#6 (permalink)
|
مميز بوابة ماليزيا 
تاريخ التسجيل: Apr 2006
الدولة: جــــــــــده
رقم العضوية :71034
المشاركات: 3,670
|
بالنسبه لسيلانجور:
صحيح ان كلهم ( صن واي لاقون + شلالات تمبر بارك ) في سيلانجور ... بس ترى مو قريبين من بعض ..
شلالات تمبر بارك تقع في شمال العاصمه ...
و صن واي لاقون تقع تقريبا في جنوب غرب العاصمه ..
الخلاصه من وجهه نظري انسي فكره الزياره هذي ...
من رائيي روحوا اول شي على صن واي لاقون ( تفتح الساعه 10 او 11 بالصباح ) طبعا على بال ما تصحون وتفطرون جات الساعه 10 .. اجلسوا في صن واي لاقون الين تطفشون ( عادي لو جلستم كل اليوم .. ) المهم اذا قررتوا تطلعون على العصر تقدرون تزورون مثلا منطقه بوتراجيا .. او الماينز
بالنسبه الى لنكاوي:
(1) رحله المانغروف هي نفسها اللي فيها اطعام النسور وفيها زياره للكهف .. من وجهه نظري تستحق الزياره .. وانا اشوف انك تروح لحالك افضل .. ولو تحبون تروحون مع قروب هذا شي راجع لكم .. ( انا رحت مع قروب لرحله نهريه في ولايه صباح وكانت الرحله حلوه مره ولا حسيت باي مضايقه )
نرجع لموضوع رحله المانغروف .. انا اخذتها بسعر 300 ريجنت وكان لي قارب لوحدي ..
(2) ميدان النسر يختلف عن اطعام النسر اللي في رحله المانغروف .. وهو ميدان يقع في مدينه كواه .. قريب مره من محطه الفيري .. من وجهه نظري لا يستحق الزياره ..
(3) محل سباق السيارات: انا اشوف انه ماله داعي وخصوصا ان وقتكم ما يسمح لكم ...
(4) عالم تحت البحار: برضه اشوف انكم تكنسلونه وتروحون اللي في كولالمبور..
(5) الاسواق : معليش ما عندي فكره عنها .. بس نصيحه لا تشترون شي الا من كوالالمبور ...
(6) حديقه الفواكه : عاديه ... ممكن تزورونها لو عندكم وقت فاضي ..
الجدول المقترح في لنكاوي ( عندكم 2 ليله / 3 ايام ) مع الاخذ بالاعتبار ان الهدف من زياره لنكاوي هو للاسترخاء قدر الامكان ...
اليوم الاول:
(1) الوصول والتوجهه الى الفندق : 2 ظهرا
(2) بعد الراحه التوجهه الى التلفريك ... او الشلالات ...
(3) النوم مبكرا ... وهذه ليله وانتهت
اليوم الثاني:
(1) رحله المانغروف
(2) ثم الى التلفريك او الشلالات ..
(3) الى الفندق والتمتع بمرافقه والاسترخاء ..
(4) النوم مبكرا ,,, وهذه ليله ثانيه وانتهت ..
اليوم الثالث:
التوجهه الى بينانج
( الخلاصه : اهم شي في لنكاوي اربعه اشياء : (1) رحله المانغروف (2) التلفريك (3) الشلالات (4) الجلوس بالفندق والتمتع بشاطئه والاسترخاء .. وهذا مهم جدا .. )
بالنسبه الى بينانج: ما عندي فكره
بالنسبه لكوالالمبور
(1) حديقه الحيوان او حديقه بردانا او عالم تحت الماء : انا اشوف انكم تزورون عالم تحت الماء ( ترى يسمونها اقوريا ) وخصوصا ان اطفالكم ملولين ولا يحبون يمشون كثير ... وعالم تحت الماء يكفيها ساعتين ... وميزتها انها قريبه من البرجين وحديقته .. يعني تروحون لعالم تحت الماء وبعدين تمشون برجولكم الى البرجين ( سوق سوريا ) وبعدين تجلسون بالحديقه الين ما تطفشون ( الحديقه مره حلوه تستاهل الجلوس فيها اكثر وقت ممكن )
على فكره ترى شلالات تمبر بارك مو بعيده عن حديقه الحيوان ...
(2) جنتتج وبوكيت تنجي : صحيح انها بالطريق بس ترى مو قريبه مره ( اعتقد ساعه بين جنتنج وبوكيت تنجي ) .. يعني ما انصح انكم تروحون للاثنين في يوم واحد .. وعلى فكره انا رحت لجنتنج ولا قدرت العب بالعابها الخارجيه لانها كانت تمطر ..
(3) مصنع الشوكلاته : ما عندي خلفه عنه ..
قلت وجهه نظري .. ولا تنسين ان وجهات النظر تختلف من شخص لاخر ..
شكرا لكم وتقبلوا تحياتي ...
|
|
|