مـنـتـدى الـعـرب الـمـسافـرون - عرض مشاركة واحدة

زوجة المهاجر · 15-11-2008, 02:29 AM

اقتباس:

المشاركة الأصلية كتبت بواسطة مزون البحرين

فعلا اختلاف الرأي لايفسد للود قضيه بس أسالي مجرب لأن رحلتي لشهر العسل كانت تجمع بين تايلند وماليزيا

والله اني وزوجي ما ارتحنا ابد .. مناظر تشمئز العين لها .. وعادي كلها جدام الناس وبالعلن وما أنكر ان طبيعتها حلوه

بس الواحد بالاول والاخير يبي الراحه النفسيه وهذا اللي فقدناه فيها ولقيناه بماليزيا .. الله يعز الاسلام والمسلمين

وجهة نظرك احترمها اختي
لكن يمكن لان هالمناظر نشوفها بشواطئ دول عربية اسلامية لهذا ماستغربها بتايلند

وانت جربتي فاذا وجهة نظرك اكثر قوة يقولون اسال مجرب ولا تسال خبير

لكن انا جربت ماليزيا مو بشهر عسل
وكانت متعبة من ناحية الجو والتنقل
ونحن غير عرسان
فكيف لو كنا عرسان
خصوصا ان ماليزيا حلوة كبلد وتستخسري انك ماتخرجي وتكتشفي طبيعتها وايامها حافلة نهارا وليلا

لازم تصحي من الصباح لتستفيدي من يومك ومهم تنامي بعد لتعوضي ساعات التعب خارجا

واعتقد ان العرسان افضل يكونون بفرصة تعارف بينهم خصوصا باول الزواج يحتاجون وقت اكثر يكونوا مع بعضهم بمكان رومانسي وهدوء وبدون مايزحمون انفسهم ان بكرة برنامجنا كذا وبننتقل كذا

لهذا تلاقي ينبسطون اكثر بلنكاوي

ولان الليل مافيها نشاطات فالزامي يرتاحون بالفندق

بفنادق تايلند كانت فيها مميزات للعرسان لما دخلت عليها
(طبعا ماتناسبني كعائلة )
مثلا الجاكوزي بالغرفة ويكون مشكوف على الغرفة او مسبح صغير بالفلا
خدمة الغرف مرتين يوميا تتغير فيها الفوط والحمام يملا بالماء ويزين بالورد هو والسرير وتشعل الشموع بفترة المغرب
المساج كخدمة بعرض خاص مع العرفة

ماشفت مثل هالعروض بفنادق ماليزيا الا بسن واي لاجون الفيلا بمسبح وهي مو رخيصة ومايوفروا هذه الخدمة بنفس اسلوب تايلند
وفنقد وستن بلنكاوي وهو غالي وايضا لا تصل لهده الدرجة

لكن طبعا للاسر المحافظة ماليزيا افضل بمليون مرة يكفي الراحة النفسية وانك تضمن ان الاكل حلال وان تسمع صوت الاذان
ومنكم نستفيد اختي مزون

__________________

البحث عن مواضيع لنفس العضو