مـنـتـدى الـعـرب الـمـسافـرون - عرض مشاركة واحدة

TKANA · 07-11-2008, 12:51 PM

اقتباس:

المشاركة الأصلية كتبت بواسطة بـلاوي

شكرا اخي للتواصل معي ولكن الادارة تمنع وضع الايميلات وللتواصل الرجاء متابعة الموضوع لاني ابضيف فيه اشياء كثيرة

بالنسبة للتكاليف انا ابحسبلك بالكويتي

وكل 10 دنانير كويتي = 140 تقريبا ريال سعودي

...
بالنسبة للطيران
لك حرية الاختيار اذا كنت باي دولة ولكن انا افضل

الطيران الاماراتي ثم القطري ثم الاتحاد ثم السعودي ثم الكويتي ثم الخليج

طبعا الاسرع بالنسبة لي الكويتي

ولكن للأسف الطيران الكويتي راحت ايام عزه

لذلك انا حاجر على الخطوط الجوية الاماراتية

وهذا موقعهم طيران الامارات

وسعر التذكرة الواحدة وتشمل ( كويت - دبي - باريس .... باريس - دبي - كويت )

بالنسبة لموقع الإلكتروني سعر التذكره للشخص الواحد 320 دينار كويتي

ولكن انا اخذتها عن طريق مكتب سفريات وطلعت علي للشخص الوحد 305 للشخص الواحد

ملاحظة : من مميزات الحجز عن طريق الموقع انك تختار كرسيك وين ماتبي

بالنسبة للسكن :

فندق امارنت طلع علي بالليلة لشخصين ( سرير دبل ) = 75 دينار يعني بالسعودي تقريبا 950 ريال اذا سعر الريال ماتغير

ولا تنسا ان الافطار مجانا

يعني لا تشيل هم الريوق

بالنسبة للتنقل :

انا افضل ان الانتقال من المطار الى الفندق ومن الفندق الى المطار بالتكسي
والتكلفة تقريبا ماتعدى 60 او 70 يورو من المطار الى الفندق

ومن الفندق الى المطار بتكون ارخص (حسبت خبرتي بكل مطارات العالم )

وبالنسبة للتنقل داخل باريس:

عندك نوعان من التوفير

يا بالقطار بكارت باريس فيزت Paris Visite

وهذا موقع المترو في فرنسا

وهناك العديد من الاخوان الاعضاء المميزين اللي كتبوا مواضيع تفصيليه عن القطار وانواع التذاكر وماهي انسب تذكرة لك لكي تستخدمها في باريس

او بالتكسي واللي بيحرقك حرق بالتكاليف ومايصلح الا للانسان اللي هاوي راحه فوق المتوقع

او بواسطة الشركات السياحية اللي توديك لاي مزار سياحي بباص او بميكرو باص
وهذه الشركات تقدر تحجز منهم عن طريق الفندق نفسه او عن طريق موضوعهم وللاسف مايحضرني ولكن ابجيبة لك ان شاء الله

بالنسبة للغداء والعشاء :

في مطاعم تكلفك بالوجبة الواحد سواء عشاء او غداء تقريبا 40 الى 60 يورو
وفي مطاعم الوجبات السريعه بتكون ارخص طبعا
وبالنسبة للمطاعم العربية مثل الديوان والعجمي بتكون اغلا بكثير من 50 يورو

لذلك احسب حسبتك باليومية غداء + عشاء ....... ولا تنسا انك بتروح ديزني لاند يعني وجبات سريعه
ولا تنسا انك بتتروح لرحلة نهر السين الجميلة اللي تشمل غداء او عشاء حسبت التوقيت

فأنت مخمخها عدل وزيد لان الاحتياطي واجب

بالنسبة لتذاكر دخول الاماكن السياحية ويورو ديزني ( ديزني لاند ) والمتاحف وغيرها :

فانا حاسب لكل واحد تقريبا 20 يورو للشخص الواحد من غير يورو ديزني اللي تقريبا للشخص الواحد 60 يورو
ولا تنسا الماي تاخذه وياك لان في بعض الاماكن تمشي واجد وتهلك وانت ماتشوف قطرت ماي

وان شاء الله ما نسيت شي

اذا بتسافر حط جدول مصاريفك عدل واحسب حسبتك مره ومرتين وثلاث وزيد احتياطي ترى الدنيا ماينقال عليها يخوك

ولا تنسا انك تقلل من الكاش معاك ولا تستخدك البطاقات الإتمانية افضل مثل
يعني عندك ( فيزا - ماستر كارد - داينز كلب - امريكان اكسبرس )

اخوي انا من ربعك

<< كويتي

لا والوالد الله يسلمه يشغل بشركة نفط الكويت وجم واحد من العايله

انا ما ابي فندق

ابي شقق على الاقل اوفر

انا حاط ببالي ميزانية 800 دينار لشخصين يعني كل شخص 800 صار 4675 يورو

لكل المصاريف

وحددت رحلة لمدة ثمان ايام

يومين في ديزني لاند **
يوم للالعاب ويوم للاستديوهات عشان سعر التذكره وثاني شي ما يمديني اخلص الالعاب والاستوديوهات بيوم

اكون ساكن بمكان بينها وبين باريس واجيها يومين من الصبح لي الليل

تمام

و 3 ايام اتمشى في باريس

ما ادري هل الثمانيه ايام تشمل يوم الوصول و المغادره ولا لا

طبعاً اخوي عشان تكون بالصورة انا بروح مع ولد عمي في عطله الربيع ان شاء الله و هذي اول مرة
اطلع فيها بره الخليج يعني رايحين فرنسا ما ندري شالطبخه فهمنا بعض الشغلات والفضل يرجع لله ثم لهالمنتدى

واحد اول سنه في كلية الهندسه و انا رابع سنه في الثانوية

فياليت تقول لنا اقتراحاتك

وجزاك الله خير

__________________

البحث عن مواضيع لنفس العضو