16-10-2008, 08:49 PM
|
#6 (permalink)
|
|
مسافر خبير
تاريخ التسجيل: Jun 2008
الدولة: الكويت
رقم العضوية :195499
المشاركات: 1,461
|
اقتباس:
المشاركة الأصلية كتبت بواسطة hmoodi
يعطيك الف عافية بس هنا ماشاء الله بالمنتدى كل عضووو يعتبر وكالة سياحية من زود المعلوماااات والخبرة المدعمة بالصور والتجارب الشخصية
يعطيك الف الف عافية
|
الله يعافيك اخوي ..
انا استفدت وايد من منتدى المسافرون العرب يوم سافرت ، عرفت من خلاله وين المطاعم العربية وغيرها من الأمور اللي كانت اتهمني . لكن كل اللي بالمنتدى و النعم فيهم ما يقدرون مثلا يدخلوني برج ايفل ومتحف اللوفر ومن هالأماكن ابسرعه من غير زحمه و نطرة الطوابير .. فهذي الشركات تسهل امور السياح وايد .. فمثلا هالشركة سهلت علينا دخول برج ايفل ابسرعه ، من وقفنا تحته ماخذينا 10 دقايق ولا احنا ندخله ونتجه للأصنصير والناس اللي بالطابور يطالعونا  .. و تغدينا بالبرج بالطابق الاول معاهم ( فلوس الاكل من ضمن فلوس الرحلة ) .. وكان شي مرتب وحلو ، كافي الشرح اللي تقوله لنا المرشدة السياحية او المرشد السياحي اللي يصاحبنا بالرحلة عن هالمتاحف والاماكن اللي نزورها وعن الاشياء اللي انمر عليها ونشوفها ، يقولون لنا معلومات عنها وشرح لتاريخها ومن هالأمور الدقيقة اللي اعتقد اغلب الناس اتمر يم هالشغلات وما تدري اشسالفتها .. هذا غير ان مثل هالرحلات بتحضرلك السيارة اللي اتكون ناطرتك يم الفندق بالساعه اللي انت تختارها وتحددها بالثانية فما تحاتي لا مواصلات ولا غيره بس تقعد ابهالسيارة وتتفرج وتاكل وتصور .. وناسة وبجذي اتكون زرت اللي تبيه ابسرعه وشفت اهم شي بالمكان اللي اتزوره .
وعلى فكرة المرشد الشياحي ممكن يخليك في مكان حلو وايد ويقولك انت تجول فيه على راحتك وانا بتلاقيني ابهالمكان الفولاني بالساعه الفولانيه ، فاهني تكون انت على راحتك اتشوف واتصور وتشتري وغيره .
|
|
|