06-10-2008, 01:54 PM
|
#8 (permalink)
|
|
مسافر متالق
تاريخ التسجيل: Aug 2005
رقم العضوية :41561
المشاركات: 1,019
|
عندي كذا نقطة ودي اشارك فيها وأتمنى انها تفيد الاخوان هنا
واعتذر عن (اللقافه) يا مشرفنا العزيز
*الأغــراض الإلـزامـيــة*
الجواز
طبعا ما اعتقد احد يقدر ينسى الجواز لأنه ما راح يوصل
الشيء المهم بعد ما يوصل فهو مخير لحفظ جوازه لطريقين
1- اذا المعهد فيه خزينه يسلمه لهم وياخذ عليهم ايصال بالاستلام (وهذا اللي انا سويته وهو مجاني)
2- انك تحطه في بنك وراح ياخذون عليك مبلغ بسيط (بصراحه نسيت كم بس)
الوثائق المطلوبة
وهذي لو نسيتها وانت لغتك ضعيفه راح تسويلك مشكله ويمكن يوصل الموضوع انك ترجع
وحتى لو لغتك قوية لازم تعطيهم مقر سكنك (هوم ستي ، هوتيل ، موتيل ، باك بيكرز) اي شيء
*الأغـراض الضـروريـة*
المصحف الشريف
أنا لي وجهة نظر مختلفه شوي
بالنسبه للمصحف نعم مهم لاكن ممكن انه يتعرض لتدنيس سواء عند العائلة ولا اي احد
والحين الحمد لله متوفر في النت ولا تقدر تحمله على الاب توب ولا حتى الجوال
فأنا بصراحه ما اخذته
سجادة صلاة
جد مهمه لأنه صعب تلقى مكان طاهر لإنتشار الكلاب بشكل فضيع عند العائلات
النقود
مثل ما قلت اخوي الدولار هو الافضل وانا اخذت معي بس 300 دولار
بطاقة الصراف
انا كان معي سامبا والاهلي وماستر كارد الاهلي مسبق الدفع<<<انصح فيها وبقووة
شنطة السفر
احرص انها تكون قليل فيها الحديد عشان ما تاخذ وزن عليك
بعض الادوية الاسعافية
اشياء بسيطه لا تكثر
الملابس
بالنسبه لسمين لا يكثر لأنه بينحف هناك والنحيف يكثر لأن الملابس اغلى هناك
الاغراض الشخصية
أحرص على القطع الصغيرة عشان ما تثقل عليك في الشنطة
الجوال
جدا مهم واحرص على النوع الشائع عشان تضمن انه شرائح الجوال عندهم تشتغل عليه(انصحكم بشرائح بفودافون)
قاموس
أنا اصحكم بهذا
atlas sd910
أو أي قاموس بشرط أنه مايكون بطاريات
أحسن شيء الشحن (الليثيوم)
شنطة ظهر
راح تريحك في أمور كثيره وتراها شائعه هناك وقليل ما تلقى شخص ما يكون على ظهره شنطة
*الكمـاليـــــات*
- كتيبات مُعرِِّفة للإسلام
للأسف نسيتها وندمت على هالشيء
بس راح تلقون بعض المساجد يحط لك كتيبات وانت توزعها او تحطها في مكتبة المعهد
- كتيب شرح القواعد الإنجليزية باللغة العربية وكتيب قاموس
على حسب مستواك اذا مره (ميح) راح تحتاجها (رغم اني ما أوؤيد أن الواحد يروح ولغتة صفر)
اذا نص ونص لاتاخذ شيء فيه عربي راح تلقى كتب قواعد رهيبه قدامك
- اللباس السعودي الرسمي
بصراحه من احسن الاشياء اللي سويتها وحسيت اني شخصيه مشهوره
كل شوي واحد يسألك عن اللبس كل شوي واحد يبي يصور معك.....شيء حلو وتجربه مش بطاله
- كاميرا تصوير
هذي انسى جوازك ولا تنساها
راح تعض اصابع الندم لو ما جبتها
- الكمبيوتر المحمول..
فادني كثيررررررررررررر في اتصالي مع اهلي ومع زملائي وخفف علي وعليهم الخساير
غير كذا كنت استفيد منه في تخزين الصور طبعا غير الاستخدام العادي للكمبيوتر
مكائن حلاقة..
على حسب الشخص اذا هو ملتحي يمكن ما يحتاج الا مقص واذا لا مهم المكينه
لأنك ما راح تلقى احد يحلق لك الدقن لأنه ممنوع
تحياتي لك يا مشرفنا الغالي
|
|
|