04-10-2008, 12:52 AM
|
#1 (permalink)
|
|
مسافر خبير
تاريخ التسجيل: Jun 2008
الدولة: الكويت
رقم العضوية :195499
المشاركات: 1,461
|
نفسية الايطاليين
السلام عليكم ورحمة الله وبركاته .....
هالصيفيه انا سافرت ابشهر 8 ل3 دول اوربيه .. فرنسا باريس 8 ايام ، و اسبانيا برشلونه 10 ايام ، وايطاليا لفنسيا ( البندقيه ) 5 ايام ، وكانت فينس من الاماكن الحلوه اللي شفتها ابهالسفره لكن شي واحد ضايقني فيها وهو تعامل الايطاليين كان جاف معانا و اتحس ان النفسيه خايسه مادري ليش جذي .. لهدرجة يعني ما يحبون العرب ولا مأثر عليهم هالحر  وخصوصا ابهاللي يخدمونا بالمطاعم من اول ما نقعد بالمطعم وهم عاقدين النونه علينا ، لكن بالفندق وغيره كانو زينين ويانا ( يمكن ليش دافعين لهم افلوس والله ما يندرى ) .
انا لاحظت ان الايطاليين ما يبتسمون الا بالغصب سواءا حق مره حق ريال حق ياهل .. ماكو ، وما تلقى احد يبتسم ابويهك لي دار حوار بينك وبينه بأي شي بالمطعم ولا بالسوق وغيره الا قليل .
|
|
|