مـنـتـدى الـعـرب الـمـسافـرون - عرض مشاركة واحدة

القلب الاخضر · 11-09-2008, 04:12 AM

يا مرحبا والله بكم جميع
نتابع معكم احداث اليوم الثالث من الرحلة الميمونة لبلاد العشق والغرام المغرب الحبيبة
حنا اليوم سلمكم الله يوم الخميس بعد ان استقرت الامور وهدت النفوس وتعلقت القلوب
صحينا على صوت البروقي ( ابو سلطان ) الساعة 11 الا وهو مضيط القهوة ( فقط ) جلسنا نتقهوى ونقدع من البرحي اللي يحبة قلبك والحقيقة ان كلش يحبه قلبك واطمر على المطبخ ونضبط ذاك الفطور اللي يهبل وبراد ذاك الشاهي اللي يضرب للاتاي باصبع بشهادة شاهد من اهلها ونفطر ونعين من الله خير قلت من بيخاويني ناخذ لفة بكازا ونشوفها قال ابو سلطان انا وانت يا بو حمد قال قاعد طلعنا ثلاثة مشينا شوي الا وذاك المقهى ونصفط فيه نطلب اتاي ( اول مرة نشربه ) الصحيح ما هو شين بس غير الربيع لا تدور ابد
والى جنبنا واحد نجلس نسولف معه وننشده وناخذ معه ونعطي والى ابن حلال قلنا تعرف احد معه سيارة يمشينا ويفرجنا على المدينة قال انا تحت امركم وسيارتي قريبة كم قال ما نختلف قلت الا نختلف ونص ومن ومنه قال خلاص الساعة 50درهم قلنا تم
ركبنا السيارة بيجو 2004 نظيفة ومرتبة ولف بنا المدينة وفرجنا وورانا الاسواق والشواطئ ومحلات التسوق والمطاعم واماكن السهر وخلافه المهم يمكن ساعتين وحنا نلف رجعنا شقتنا كم حسابك يابو احمد قال الحساب على الله وحلف يمين ما ياخذ درهم وانه اصلا ما يشتغل بس هو حب يخدمنا والا هو بخير الصحيح احرجنا الرجال مرررة وقلنا طيب الا تتعشى معنا لزمنا عليه لين وافق وشرطنا له طبخ سعودي وبنسوي وكاننا في السعودية تحت الالحاح وافق ********** تبادلنا الارقام وراح في فاله على ان يعود الساعة الحادية عشر
كازا مدينة جميلة مرتبة نظيفة وعلى الرغم من انها المركز التجاري للمغرب الا ان زحمة السيارات بها غير خانقة والسير بها سلس بس عندهم طريقة غريبة في السياقة.
بعد ان انزلنا ابو احمد طقيناها رجلية مرينا السوق الشعبي واخذنا اغراض العشاء الذي سيكون كبسة دجاج مع مقلقل لحم وسلطة وحنا راجعين مرينا على حمام مغربي شكله نظيف دخلنا فيه والله وعجبنا شكله ونظافته قلت وش رايكم ناخذ حمام قال ابو سلطان انا ما لي نظر قلت انا والمدام بينرجع له.
رحنا الشقة جلسنا شوي خذنا ملابسنا ونزلنا الحمام
الحمام المغربي شبيه بالحمام الشامي بس الفرق ان المغربي انظف شوي وعندهم الصابون المغربي اللي يخلي الجسم يلق لق واللي يشتغلون يشتغلون بنفس راضية وابتسامة دائمة وكانت القيمة على ما اذكر 80درهم للشخص .وهو قسمين قسم رجالي وقسم نسائي *****************
تدخل تاخذ خزنة تحط اغراضك فيها والمفتاح معك وتاخذ دش ساخن بعدين تدخل غرفة البخار لين تسبح بعرقك تطلع تاخذ دش ثم ثم تدخل غرفة واسعة فيها سراير عرض السرير يمكن 60سم ( ذكرت غرفة تغسيل الموتى يوم نغسل ابوي الله يرحمه ) يستلمك هاك السنافي ويسدحك على سرير يقعد يدهك جسمك بالليفة والصابون المغربي لين يصفى الجلد ثم تاخذ دش وترجع تلقاه جاهز لك بالشامبو والصابون وهات يا فرك وهات يا فرك ثم يسوي لك مساج يحبه قلبك تروح تاخذ دش وتاخذ منشفتك وعلى صالة فيها كراسي مريحة مدد رجليك ونشف على راحتك لين تسمح مع كاس زهورات قمة الوناسة نشفت ولبست ورحت للمراية اتزين ويا الله عرفت نفسي طلعت خواجة حمر كني مقشر قضينا في الحمام يمكن ساعة ونصف والحقيقة اني حسيت براااااااااحة وانتعاش وانصحكم بالحمام المغربي لا تفوتونه لاني صرت اخذه كل يوم او يوم ورا يوم .طلعنا عبرنا الشارع للبحر وخذنا جولة على الشاطئ لين غابت الشمس رجعنا بعدها للشقة وجلسنا شوي صلحنا برادين واحد اتاي وواحد شاهي ربيع وما احد شرب من الاتاي لين خلص الربيع صلينا المغرب والعشاء ثم بدينا نستعد لاستقبال الضيوف حيث قمت باعداد ترتيبات الطبخ ***********
ضبطنا القهوة والشاهي وبعض المكسرات وشرعنا في اعداد العشاء يتجهيز اغراضة لان الطبخ ما يستغرق الا ربع ساعة فقط والله يسلم قدر الكاتم التيربو ابو حمد واهلة رتبوا المجلس وبخروه بالعود ( جايبه ابو حمد معه ) المهم الساعة 11 الا والرجال على الباب يدق الجرس نفتح الا هو ***** ومعه صينية فيها حلويات . يا مرحبا يا مرحبا يا جماعة ليش مغلبين حالكم ما له داعي المهم جلسوا تعمدنا تكون الجلسة على الارض علشان تصير سعودية والله والتمر ثلاثة انواع برحي وسكري واخلاص والدلة والفناجيل وصب وصب لين سربت الدلة نجيب الشاهي والمكسرات ونجلس نسولف ونضحك الرجال طلع على الدين انبسط ...........وسوالف وضحك المهم التفت الرجال شاف العود قال تعرفوا تضربوا عود اشرنا لبو حمد قلنا الفنان هذا هو قال بالله سمعنا ابو حمد انتفخ شوي وقضب العود وسى فيها عبادي وقام يدندن قلت وش رايكم ناجل العود لبعد العشا
دخلنا المطبخ وفوجئت بام احمد تدخل معنا سالتها قالت ابغى اشوف طريقة عمل الكبسة وفعلا كانت تراقب بعناية وتسال عن كل صغيرة وكبيرة عشرين دقيقة الا والكبسة والمقلقل جاهزين نفرش السفرة على الارض طبعا ( لان ما فيه طاولة طعام ) ونتحلق على السماط ونسمي بالله وهات يا دق لين قلنا بس والى الصحينات تقول اسلم عليكم كانها مراية حمدنا الله والجماعة قاموا يمدحون فيني لين انتفخ راسي ضفينا اشغالنا وطبطنا الشاهي وجلسة لين الساعة 3 وابو حمد يطربنا مرة خليجي ومرة عراقي ومرة شامي ومرة مغربي استاذنو الجماعة ومشوا بس قبل ما يمشون اصروا الا انا نزورهم ونتعشى عندهم قلنا خلاص يصير خير والتلفون بيننا . كملنا سهرتنا لين سمعنا اذان الفجر من جامع الحسن الثاني صلينا وفرشنا فراش ابو سلطان في المجلس وكل راح بيته .
وادرك شهر زاد الصباح فسكتت عن الكلام المباح
تمسوا على خير يا الربع
خلوكم معانا تابعونا وحياكم

__________________

البحث عن مواضيع لنفس العضو

11-09-2008, 04:12 AM	#82 (permalink)
القلب الاخضر مسافر فعال تاريخ التسجيل: Jan 2008 رقم العضوية :170643 المشاركات: 136	يا مرحبا والله بكم جميع نتابع معكم احداث اليوم الثالث من الرحلة الميمونة لبلاد العشق والغرام المغرب الحبيبة حنا اليوم سلمكم الله يوم الخميس بعد ان استقرت الامور وهدت النفوس وتعلقت القلوب صحينا على صوت البروقي ( ابو سلطان ) الساعة 11 الا وهو مضيط القهوة ( فقط ) جلسنا نتقهوى ونقدع من البرحي اللي يحبة قلبك والحقيقة ان كلش يحبه قلبك واطمر على المطبخ ونضبط ذاك الفطور اللي يهبل وبراد ذاك الشاهي اللي يضرب للاتاي باصبع بشهادة شاهد من اهلها ونفطر ونعين من الله خير قلت من بيخاويني ناخذ لفة بكازا ونشوفها قال ابو سلطان انا وانت يا بو حمد قال قاعد طلعنا ثلاثة مشينا شوي الا وذاك المقهى ونصفط فيه نطلب اتاي ( اول مرة نشربه ) الصحيح ما هو شين بس غير الربيع لا تدور ابد والى جنبنا واحد نجلس نسولف معه وننشده وناخذ معه ونعطي والى ابن حلال قلنا تعرف احد معه سيارة يمشينا ويفرجنا على المدينة قال انا تحت امركم وسيارتي قريبة كم قال ما نختلف قلت الا نختلف ونص ومن ومنه قال خلاص الساعة 50درهم قلنا تم ركبنا السيارة بيجو 2004 نظيفة ومرتبة ولف بنا المدينة وفرجنا وورانا الاسواق والشواطئ ومحلات التسوق والمطاعم واماكن السهر وخلافه المهم يمكن ساعتين وحنا نلف رجعنا شقتنا كم حسابك يابو احمد قال الحساب على الله وحلف يمين ما ياخذ درهم وانه اصلا ما يشتغل بس هو حب يخدمنا والا هو بخير الصحيح احرجنا الرجال مرررة وقلنا طيب الا تتعشى معنا لزمنا عليه لين وافق وشرطنا له طبخ سعودي وبنسوي وكاننا في السعودية تحت الالحاح وافق ******** تبادلنا الارقام وراح في فاله على ان يعود الساعة الحادية عشر كازا مدينة جميلة مرتبة نظيفة وعلى الرغم من انها المركز التجاري للمغرب الا ان زحمة السيارات بها غير خانقة والسير بها سلس بس عندهم طريقة غريبة في السياقة. بعد ان انزلنا ابو احمد طقيناها رجلية مرينا السوق الشعبي واخذنا اغراض العشاء الذي سيكون كبسة دجاج مع مقلقل لحم وسلطة وحنا راجعين مرينا على حمام مغربي شكله نظيف دخلنا فيه والله وعجبنا شكله ونظافته قلت وش رايكم ناخذ حمام قال ابو سلطان انا ما لي نظر قلت انا والمدام بينرجع له. رحنا الشقة جلسنا شوي خذنا ملابسنا ونزلنا الحمام الحمام المغربي شبيه بالحمام الشامي بس الفرق ان المغربي انظف شوي وعندهم الصابون المغربي اللي يخلي الجسم يلق لق واللي يشتغلون يشتغلون بنفس راضية وابتسامة دائمة وكانت القيمة على ما اذكر 80درهم للشخص .وهو قسمين قسم رجالي وقسم نسائي ************* تدخل تاخذ خزنة تحط اغراضك فيها والمفتاح معك وتاخذ دش ساخن بعدين تدخل غرفة البخار لين تسبح بعرقك تطلع تاخذ دش ثم ثم تدخل غرفة واسعة فيها سراير عرض السرير يمكن 60سم ( ذكرت غرفة تغسيل الموتى يوم نغسل ابوي الله يرحمه ) يستلمك هاك السنافي ويسدحك على سرير يقعد يدهك جسمك بالليفة والصابون المغربي لين يصفى الجلد ثم تاخذ دش وترجع تلقاه جاهز لك بالشامبو والصابون وهات يا فرك وهات يا فرك ثم يسوي لك مساج يحبه قلبك تروح تاخذ دش وتاخذ منشفتك وعلى صالة فيها كراسي مريحة مدد رجليك ونشف على راحتك لين تسمح مع كاس زهورات قمة الوناسة نشفت ولبست ورحت للمراية اتزين ويا الله عرفت نفسي طلعت خواجة حمر كني مقشر قضينا في الحمام يمكن ساعة ونصف والحقيقة اني حسيت براااااااااحة وانتعاش وانصحكم بالحمام المغربي لا تفوتونه لاني صرت اخذه كل يوم او يوم ورا يوم .طلعنا عبرنا الشارع للبحر وخذنا جولة على الشاطئ لين غابت الشمس رجعنا بعدها للشقة وجلسنا شوي صلحنا برادين واحد اتاي وواحد شاهي ربيع وما احد شرب من الاتاي لين خلص الربيع صلينا المغرب والعشاء ثم بدينا نستعد لاستقبال الضيوف حيث قمت باعداد ترتيبات الطبخ ******* ضبطنا القهوة والشاهي وبعض المكسرات وشرعنا في اعداد العشاء يتجهيز اغراضة لان الطبخ ما يستغرق الا ربع ساعة فقط والله يسلم قدر الكاتم التيربو ابو حمد واهلة رتبوا المجلس وبخروه بالعود ( جايبه ابو حمد معه ) المهم الساعة 11 الا والرجال على الباب يدق الجرس نفتح الا هو *** ومعه صينية فيها حلويات . يا مرحبا يا مرحبا يا جماعة ليش مغلبين حالكم ما له داعي المهم جلسوا تعمدنا تكون الجلسة على الارض علشان تصير سعودية والله والتمر ثلاثة انواع برحي وسكري واخلاص والدلة والفناجيل وصب وصب لين سربت الدلة نجيب الشاهي والمكسرات ونجلس نسولف ونضحك الرجال طلع على الدين انبسط ...........وسوالف وضحك المهم التفت الرجال شاف العود قال تعرفوا تضربوا عود اشرنا لبو حمد قلنا الفنان هذا هو قال بالله سمعنا ابو حمد انتفخ شوي وقضب العود وسى فيها عبادي وقام يدندن قلت وش رايكم ناجل العود لبعد العشا دخلنا المطبخ وفوجئت بام احمد تدخل معنا سالتها قالت ابغى اشوف طريقة عمل الكبسة وفعلا كانت تراقب بعناية وتسال عن كل صغيرة وكبيرة عشرين دقيقة الا والكبسة والمقلقل جاهزين نفرش السفرة على الارض طبعا ( لان ما فيه طاولة طعام ) ونتحلق على السماط ونسمي بالله وهات يا دق لين قلنا بس والى الصحينات تقول اسلم عليكم كانها مراية حمدنا الله والجماعة قاموا يمدحون فيني لين انتفخ راسي ضفينا اشغالنا وطبطنا الشاهي وجلسة لين الساعة 3 وابو حمد يطربنا مرة خليجي ومرة عراقي ومرة شامي ومرة مغربي استاذنو الجماعة ومشوا بس قبل ما يمشون اصروا الا انا نزورهم ونتعشى عندهم قلنا خلاص يصير خير والتلفون بيننا . كملنا سهرتنا لين سمعنا اذان الفجر من جامع الحسن الثاني صلينا وفرشنا فراش ابو سلطان في المجلس وكل راح بيته . وادرك شهر زاد الصباح فسكتت عن الكلام المباح تمسوا على خير يا الربع خلوكم معانا تابعونا وحياكم __________________ البحث عن مواضيع لنفس العضو