09-09-2008, 03:29 AM
|
#68 (permalink)
|
|
مسافر فعال
تاريخ التسجيل: Jan 2008
رقم العضوية :170643
المشاركات: 136
|
يا مرحبا بها الوجيه السفرة اللي تستاهل كل علم طيب
ها نحن معكم نتابع احداث قصة المغرب لحظة بلحظة
وصلنا ان تلفون ابو حمد رن ومكالمة غريبة همس وابتسامات والذي منه كمل المكالمة الا والمفاجاة المدوية
ابو حمد طلع متزوج من مغربية وهذي اللي تكلم زوجته !!
*****************
جلسنا نرتب الوضع والبرنامج ، ورحنا المطبخ وتفقدنا الاغراض وسجلنا النواقص وقام ابو حمد يعني اني امير يتجيود عند المرة ويصدر اوامر مهيب يم جادة ويوم زودها شوي قمنا بانقلاب عليه وتم عزله وانتخاب ابو سلطان بالاجماع اميرا لتفرغه وعدم وجود مسؤوليات عائلية لديه وتقبل ابو حمد ذلك بروح رياضية.
طلعنا نجيب الاغراض بدون ابو حمد لانه لايحب الخروج ابدا ( مرتين اللي طلع والثالثة للمطار )
الشارع اللي سكنا فيه وتبدو العمارة البيضاء
رحنا السوق الشعبي اللي جنبنا
جزء من السوق الشعبي
لقينا فيه اغلب مستلزماتنا لحوم دجاج ارانب حمام خضار فاكهة مكسرات بس تفاجانا شوي باسعارهم غالية وخصوصا عليهم سوق شعبي واللي يرتاده من العامة وحنا ما تكلمنا الحريم اللي يشترون ومع ذلك تعالو نقارن الاسعار :
الدجاج حي الحبة 30 درهم يعني 15 ريال
اللحم غنم 70 درهم للكيلو يعني 35 ريال
الحمام 30 درهم للجوز يعني 15 ريال
الارانب 80 درهم للحبة يعني 40 ريال
الخبز العربي الكيس فيه 5خبزات ب 5 دراهم يعني 2,5 ريال ولا لقيناه الا في المرجان او الاسيما
الكوكا الحبة الصغيرة ب 3.5درهم يعني 1.75ريال
الثلج 2كجم ب14 درهم يعني 7 ريال وعندنا كيسة يا الله تقوى تشيلها ب 4 ريال
البيض الطبق 24 درهم يعني 12 ريال
الموز الكيلو 15 درهم يعني 7ريال
الخضار سعرها معقول يمكن اقل من عندنا شوي
واما في المرجان والاسيما الاسعار ازود بحوالي 20%
المهم مالكم في الطويلة شرينا اغراضنا واللي ناقص رحنا وجبناه من المرجان
المرجان من الخارج
المرجان من الداخل ورجعنا للشقة ورتبنا الاغراض اللي في الثلاجة واللي في الدواليب وضفينا الشقة لين غدت تلق لق
بعد ذلك دعا ابو سلطان لعقد اجتماع اسفر عن القرارات التالية :
1. يكون البرنامج كالتالي الصحيان من النوم الساعة 12 ظهرا والفطور الساعة 1 وبعده كلن يسوي اللي يبي لين المغرب واذان العشاء حد اقصى للرجوع للشقة ( العشا يذن الساعة عشر )
2. العشاء الوجبة الرئيسية الساعة 12 ليلا ويكون يوم طبخة سعودية ويوم طبخة مغربية واليوم طبخة سعودية كبسة لحم لانه يحب الكبسة وله يومين ما ذاقها وانا اللي اصلحها
3. أي واحد يرمي منديل او شي في الارض عليه غرامة 10درهم
4. كل واحد مسؤول عن اغراضه بيالة فنجال كاس واي واحد يهمل عليه غرامة 20درهم
5. أي واحد تفوته الصلاة عليه غرامة 50درهم
6. السهرة تبدا من بعد العشا الساعة 1 وحتى اذان الفجر وبعدها نصلي وننام
ضبطنا الامور كلها وقلت وش رايكم براد ومهيلة على الشاطي يبعد عنا 50متر فقط قالو تم والله ونضبط البراد والدلة والبرحي وناخذ الفرشة ونتجه للشاطئ شبه الخالي وجلسة يحبها قلبك ضحك وتعليق وخبال لين جت الساعة 10 نرجع
كازا في الليل
ونبدا في العشا الساعة 12 وحنا على السماط والحقيقة كانت كبسة رائعة واصحابنا المغاربة دقوا فيها دق المهم الصحن رجع كيوم ولدته امه ما يحتاج غسل ولا مسح . وتبدا السهرة على نغمات عود ابو حمد يا زين احبك والمحبة بلاوي حب مع الايام ينمو ويكبر
وعلى ها الشغل ضحك وهسترة وخبال لين اذن جامع الحسن الثاني
جامع الحسن الثاني
توقفنا غسلنا صلينا فرشنا فراش ابو سلطان في المجلس وكل على غرفته
وادرك شهر زاد الصباح فسكتت عن الكلام المباح
تمسو على خير يا الربع
خلوكم معانا تابعونا وحياكم الله
|
|
|