02-09-2008, 02:18 PM
|
#34 (permalink)
|
|
مسافر فعال
تاريخ التسجيل: Jan 2008
رقم العضوية :170643
المشاركات: 136
|
هلا والله بالجميع ومشكورين على تواصلكم الرائع اللي منه نقدر نواصل بحماس
العدة الحربية وانا اخوك هذي لزوم الشغل ولا اعرف اشتغل الابها صحيح احتجناها في الانقلاب بس ربك ستر ما استخدمناها ابو حمد طلع رجال عاقل وعرف السنع .
واما العزبة فهذي مثل ما قلت لكم في الاول لايمكن اسافر الا وهي معي وترى الكبسة ( لحم او دجاج او سمك او ربيان ) والمقلقل ومرقة الحمام ما كل بيعرف يضبطها واما المهيلة بالعويدي والزعفران ومعها صحين سكري من القصيم او اخلاص من الخرج او برحي على الشاطئ خياااااال وبراد شاهي الربيع خادر كنه دم غزال يخليك  او  وانت في مكانك . بالله عليكم ها المنظر مهوب اكثر من رائع ؟
مربى الجح هذا حكايته حكاية احبه من وانا صغير ولا القاه في كل مكان ولذلك ديم اخذه معي
واما احتراف التقارير ترى هذا اول تقرير اسويه والبركة في اعضاء المنتدى اللي ما خلوا شي استفدت منهم واجد والشكر موصول لبو فارس اللي عطاني دورة مكثفة ( خمس دقايق ) في طريقة تصغير الصور وتحميلها .
وما دام التواصل والتشجيع منكم بها الشكل فابشرو والله بالتقارير اللي مهيب شوي
خلوكم معانا وحياكم الله
|
|
|