الموضوع: ♥♥_இணஇ∫∫‗ـ√روحتنا ل صالة التزلج ..... وناسه ..طبعا بالصور √ـ‗∫∫இணஇ_♥♥
عرض مشاركة واحدة
قديم 04-09-2008, 10:19 PM   #1 (permalink)
المرام
مشرفة الكويت
 
الصورة الرمزية المرام
 
تاريخ التسجيل: Jun 2006
الدولة: الكويت يا أغلى بلد
رقم العضوية :88138
المشاركات: 13,568




افتراضي ♥♥_இணஇ∫∫‗ـ√روحتنا ل صالة التزلج ..... وناسه ..طبعا بالصور √ـ‗∫∫இணஇ_♥♥

♥♥_இணஇ∫∫‗ـ√روحتنا ل صالة التزلج ..... وناسه ..طبعا بالصور √ـ‗∫∫இணஇ_♥♥

السلام عليكم و رحمة الله بركاته
اليوم بأغير شوي عن المطاعم
الاسبوع الي طاف رحنا لصالة التزلج
استانسنا حيل .... و جبت لكم كم صوره ....
أحب اقول لزائرين الكويت ....لا تطوفكم صالة التزلج .... وناسه للكبار و الصغار
رغم اني هالمره ما تزلجت معاهم ..... لكني استانست لانه الجهال اول مره يتزلجون ....

بالاول بأحط لكم رقم صالة التزلج للي يبي يسأل عن اي شي يتصل عليهم :
2411152
يوم الثلاثاء للحريم ... أما باقي الايام مختلط
و تكون على شكل فترات ... كل ساعتين فتره ..
ولا أحد يسألني عن الطريق لاني ضيعت و وصلنا متأخرين نص ساعه
ف يا ليت الاعضاء اللي يعرفون يوصفون .... يعلمونا الطريق عشان الكل يستفيد
ألحين أكلمكم عن الصاله ..
تقصون التذاكر .... تقريبا دينار و نص .... و للخدم تذاكر مخفضه ... يمكن نص دينار
أما الاطفال اقل من 3 سنوات ... مجانا ... لكني قصيت للجهال عشان يعطونهم جواتي تزلج و انتوا بكرامه

أول ما تدخلون ....
تقطون الجواتي و أنتوا بكرامه و تعطونها الهندي .... يشيلها عنده و يعطيكم جوتي التزلج ....
أصغر مقاس جواتي للاطفال هو رقم 25 يعني تقريبا حق 4 سنوات لكن لبسنا البنات عشان يستانسون



و تلبسونه على الكراسي الموجوده ..


و فيه يبيعون ذره و حلويات و ماي ...


و فيه داخل مطعم مأكولات سريعه

فيه صالتين تزلج .... وحده صغيره للعوائل و الاطفال ... و وحده كبيره للكل
احنا رحنا الصغيره لانها هاديه و بعيده عن الازعاج

ان كنتم ما تعرفون تتزلجون نفسنا ... أجروا كرسي التزلج .... تقعدون عليه و أحد يدزكم أو تسندون عليه و أنتوا تتزلجون ... ونااااااااااسه
فيه نوعين من الكراسي ... احنا خذنا الكبير ب دينار و نص


شوفوا الصاله .... هذي الصاله الصغيره للعوائل و الاطفال ...لان الكبيره كانت زحمه
و مبينه بالصوره ريماس ... ما كنا فاضيين لها خليناها مع الخدامه ...و كل شوي تبجي تبيني اشيلها و ودها تتزلج مع اخوانها



البشري مستانس لانه اول مره يتزلج بروحه


نسيت اقولكم .... انه فيه مدرب .... يدربكم ... 4 أو 5 حصص ب عشر دنانير

اتمنى يكون عجبكم التقرير
أشوفكم عن قريب بتقارير ثانيه

التوقيع :
مواضيعي

الحمدلله رجعنا الكويت بالسلامه .. لكن اعذروني سأنقطع عن المنتدى لفترة..و سأرجع ان شاء الله و اكتب تقرير


ربي هب لي من لدنك ذرية طيبة إنك سميع الدعاء
رَبِّ لَا تَذَرْنِي فَرْداًوَأَنتَ خَيْرُ الْوَارِثِينَ
ربنا هب لنا من ازواجنا وذرياتنا قرة اعين واجعلنا للمتقين اماما
المرام غير متواجد حالياً