04-09-2008, 06:46 AM
|
#1 (permalink)
|
|
مسافر متالق
تاريخ التسجيل: Aug 2007
الدولة: KW
رقم العضوية :153184
المشاركات: 932
|
رحلتي مع الأهل إلى Ski Dubai - July 2008 بالصور و التفاصيل :)
بسم الله الرحمن الرحيم ،،
السلام عليكم و رحمة الله و بركاته ،،
بتاريخ 21 -7 -2008 في تمام الساعة الحادية عشرة بتوقيت الإمارات ، طلعنا من الشقة من الشارجة باتجاه دبي و أخذ منا تقريبا 20 دقيقة أو أكثر بقليل .. رحنا لمول الإمارات لـ ski Dubai و طبعا المجمع كانت فيه زحمة شوي بس الحمدلله رحنا للمواقف اللي فوق بالمجمع و كانت شبه فاضية
[IMG][/IMG]
[IMG][/IMG]
طلعنا بسرعه من السيارة و أخواني متلهفين ..مو مصدقين إنهم يشوفون ثلج حقيقي
أخذنا تذاكر لنا بقيمة 550 درهم ما يقارب 40 دينار كويتي // غاليةشوي بس مرة بنروح لها بالعمر على قولة الوالدة الله يحفظها ،،
هذا المدخل :
[IMG][/IMG]
هذا أول ما تواجهون عند المدخل :
[IMG][/IMG]
التذكرة للبالغ 80 درهم ، و للأطفال 75 درهم و هذي أسعار دخول الحديقة الثلجية ،، أما دخول المنحدر فأغلى من هذا و يوجد بعد دروس تعليم للتزلج ..للي يبي
أول ما تدخلون تحجزون و يعطونكم البطاقات و تروحون عند اللي يعطونكم ملابس و يعطونكم اللبس و الأحذية عزكم الله أما غطاء الراس و القفازات لا تنسون تجيبونها معكم لأن سعرها غالي بالمحل اللي عند السكي ..تقريبا أقل شي 30 أو 50 درهم باعتقادي  وطبعا دخول الحديقة ماله وقت خروج معين ..احنا قعدنا ساعتين و تجمدنا ما قدرنا نكمل،، و هذي اللي حجزنا عندها ووراها الأسعار:
[IMG][/IMG]
و في تأجير loackers أو خزانات تحطون فيها أغراضكم و تأجيرها 40 درهم عليها تأمين .. إذا رديت البطاقة بالمكان المخصص لها يردون لك العشرة ،، يعني سعر تأجير الخزانة 30 درهم
و هذي الخزانات و البطاقة اللي تفتحها و أنا الصراحة توهقت فيها ما أعرف أفتحها كل شوي أنادي واحد يفتحها لي فشلة
[IMG][/IMG]
[IMG][/IMG]
و لا تنسون تحفطون رقم الخزانة أنا نسيتها كانت 43 أو 46 و تلخبطت فيهم و قعدت أحوس و أدور أي وحدة
و هذي الجواتي عزكم الله
[IMG][/IMG]
[IMG][/IMG]
في أماكن تبديل للملابس و في كافيه داخل السكي ،، و بالنسبة للي يلبسون عباية أو دشداشة يعطونكم جاكيت أسود طويل و ما يحتاج تلبسون البنطلون لأن ما راح تحتاجونه بالحديقة الثلجية... بس للي يبون يدخلون المنحدر .. و ملابس الحديقة للأطفال فيها غطا للراس ،، و تدفي زين و يعطونكم خوذة حماية للأطفال اللي أقل من 13 سنة و لازم يلبسونها ( لا سمح الله تصير الضربة بالراس )
يتبـــــــــــع للجزء الثاني و الأخير من داخل السكي .. و أتمنى التفاعل معي ،،
|
|
|