مـنـتـدى الـعـرب الـمـسافـرون - عرض مشاركة واحدة - يومين بالكويت بس انما ايه..لا تفوتكم الصور

العاهل البترولي · 25-08-2008, 11:44 PM

تقرير قبل الأخير..

قلنا ليش ما نروح مجمع المارينا لانه قريييب مره !!

قدام طبعاً

فيه جسر بالمجمع يمشي فوق شارع الخليج العربي ويوديك للمنطقة الحلوة اللي على البحر..

في جلسات ومطاعم حلوه ..اللي أذكره..كرسبي كريم وكوستا كوفي ومطعم فرايديز

ما يمنع شوية تصوير..

أثناء مشينا في مجمع المارينا جانا اتصال من أخو طلال..ودار الحوار التالي:

أخو طلال:متى بتمشون انشاء الله؟؟
طلال: يا اليوم الليل او بكره الصبح
أخو طلال: حجزتوا الغرفة اليوم
طلال: تقريباً..بس ما دفعنا لهم
أخو طلال: لا تحزونها إذا بتمشون بالليل
طلال: ان شاء الله

طلال استشارني على موضوع المشية بالليل..ووافقته..بس بشرط..يكون يقدر يسوق < عارف نفسي نوام

اتفقنا

كلمنا رشيد (الهندي صاحب الغرفة) قلنا له بنجيك الحين بنطلع..

جينا وقالنا انا سلمت الاوراق ومشكلة الحين مع الشركة...الخ

كانت الساعة 3:00 عصر

قلنا خلاص نعطيك خمسة دنانير..اوكي؟؟
قال: أوكي

شلنا قشنا بالسيارة ومشينا..

بالطريق وبشارع الخليج بالتحديد :

أنا: شرايك وين نروح؟
طلال: المباركية
أنا: ترى المركز العلمي ورانا ليش ما نروح له أول !!

طلال مو متحمس..
أنا: ترى كلما اجي الكويت ما اروح له
طلال: خلاص قدام
أنا: تعجبني

اتجهنا للمركز العلمي..

شرينا التذاكر حقت: الاكواريوم + الاستكشاف اثنينهم بـ 4.25 دينار للكبار

اتفقنا ندخل الساعة 4:00 ونطلع الساعة 5:30 العصر

..

الاكورايوم كان يتكلم عن الحياة البرية والبحرية وأعماق البحار..

لما دخلنا عند المدخل حق الاكورايوم..كان فيه متطوعين شباب يستقبلونك

قصينا التذكرة < حشى رايحين لندن ودخلنا وصار لي هالموقف..

سألت اخونا اللي عند المدخل عن دورة المياه (الله يكرمكم) عاد ما يحتاج هو بالخدمة..

قالي: تدش هني العالم البري..وتاخذ لك فرة كاملة وترجع !!

قلت له: لا لا انا اقصد الحمام !!!

قام يضضضضضحك وانا وياه ميتين ضحك

مو مصدقين هالموقف صار !!

يقولي: قول حمام طيب

قلت له: لازم اسوي ذرب

لما رجعت..حصلت طلال ماشاء الله تعرف على الرجال وطق سوالف معاه..عادي اكتشفت هالشي بطلال بهالروحة..اجتماعي جدددا

أخونا الطيب ماشاء الله عليه "متطوع" يعني يشتغل بالمركز بدون مقابل

سألته بصراحة (لاني اشتغل بعمل تطوعي بعد): ليش جيت هنا وبدون محد يقولك؟
قالي: انا هني علشان اخدم ديرتي وبلدي..والمركز هذا واجهة للبلد !!

والنعم فيك والله..عيني عليك باردة

شوية صور داخل ..(وعاد التصوير هالمرة بيد طلال)

الحياة البرية..

والحياة البحرية العجييييبة

سولفنا وياها لين ضحكت

والله ما تحسفنا دقيقة عالجية

بعدها دخلنا قسم الاستكشاف..فيه قسم عن البترول..وقسم ثاني عن الدوائر الالكترونية والمغناطيش (حلوه المغناطيش ) يعني شغل فيزياء..وفيه صالة عرض صغنونه

كل هذا الشغل بطريقة عرض خيالية وابداعية وكلها بالتجارب..

أنا أنصح العوايل انها تزور المركز العلمي لانه يجذب الأطفال بشكل غير طبيعي وهذا بحد ذاته تعليم

..

الشي اللي يقهر ان الشحن حق الكاميرا خلص..!

لكن صورنا اللي نقدر عليه..

سوق المباركية..وسوق الكوت..ونسينا شي بس ما نسيناه !!

بقولكم كيف؟؟

__________________

البحث عن مواضيع لنفس العضو

25-08-2008, 11:44 PM	#63 (permalink)
العاهل البترولي مسافر متميز تاريخ التسجيل: Jun 2008 الدولة: السعودية, الخبر رقم العضوية :193326 المشاركات: 184	تقرير قبل الأخير.. قلنا ليش ما نروح مجمع المارينا لانه قريييب مره !! قدام طبعاً فيه جسر بالمجمع يمشي فوق شارع الخليج العربي ويوديك للمنطقة الحلوة اللي على البحر.. في جلسات ومطاعم حلوه ..اللي أذكره..كرسبي كريم وكوستا كوفي ومطعم فرايديز ما يمنع شوية تصوير.. أثناء مشينا في مجمع المارينا جانا اتصال من أخو طلال..ودار الحوار التالي: أخو طلال:متى بتمشون انشاء الله؟؟ طلال: يا اليوم الليل او بكره الصبح أخو طلال: حجزتوا الغرفة اليوم طلال: تقريباً..بس ما دفعنا لهم أخو طلال: لا تحزونها إذا بتمشون بالليل طلال: ان شاء الله طلال استشارني على موضوع المشية بالليل..ووافقته..بس بشرط..يكون يقدر يسوق < عارف نفسي نوام اتفقنا كلمنا رشيد (الهندي صاحب الغرفة) قلنا له بنجيك الحين بنطلع.. جينا وقالنا انا سلمت الاوراق ومشكلة الحين مع الشركة...الخ كانت الساعة 3:00 عصر قلنا خلاص نعطيك خمسة دنانير..اوكي؟؟ قال: أوكي شلنا قشنا بالسيارة ومشينا.. بالطريق وبشارع الخليج بالتحديد : أنا: شرايك وين نروح؟ طلال: المباركية أنا: ترى المركز العلمي ورانا ليش ما نروح له أول !! طلال مو متحمس.. أنا: ترى كلما اجي الكويت ما اروح له طلال: خلاص قدام أنا: تعجبني اتجهنا للمركز العلمي.. شرينا التذاكر حقت: الاكواريوم + الاستكشاف اثنينهم بـ 4.25 دينار للكبار اتفقنا ندخل الساعة 4:00 ونطلع الساعة 5:30 العصر .. الاكورايوم كان يتكلم عن الحياة البرية والبحرية وأعماق البحار.. لما دخلنا عند المدخل حق الاكورايوم..كان فيه متطوعين شباب يستقبلونك قصينا التذكرة < حشى رايحين لندن ودخلنا وصار لي هالموقف.. سألت اخونا اللي عند المدخل عن دورة المياه (الله يكرمكم) عاد ما يحتاج هو بالخدمة.. قالي: تدش هني العالم البري..وتاخذ لك فرة كاملة وترجع !! قلت له: لا لا انا اقصد الحمام !!! قام يضضضضضحك وانا وياه ميتين ضحك مو مصدقين هالموقف صار !! يقولي: قول حمام طيب قلت له: لازم اسوي ذرب لما رجعت..حصلت طلال ماشاء الله تعرف على الرجال وطق سوالف معاه..عادي اكتشفت هالشي بطلال بهالروحة..اجتماعي جدددا أخونا الطيب ماشاء الله عليه "متطوع" يعني يشتغل بالمركز بدون مقابل سألته بصراحة (لاني اشتغل بعمل تطوعي بعد): ليش جيت هنا وبدون محد يقولك؟ قالي: انا هني علشان اخدم ديرتي وبلدي..والمركز هذا واجهة للبلد !! والنعم فيك والله..عيني عليك باردة شوية صور داخل ..(وعاد التصوير هالمرة بيد طلال) الحياة البرية.. والحياة البحرية العجييييبة سولفنا وياها لين ضحكت والله ما تحسفنا دقيقة عالجية بعدها دخلنا قسم الاستكشاف..فيه قسم عن البترول..وقسم ثاني عن الدوائر الالكترونية والمغناطيش (حلوه المغناطيش ) يعني شغل فيزياء..وفيه صالة عرض صغنونه كل هذا الشغل بطريقة عرض خيالية وابداعية وكلها بالتجارب.. أنا أنصح العوايل انها تزور المركز العلمي لانه يجذب الأطفال بشكل غير طبيعي وهذا بحد ذاته تعليم .. الشي اللي يقهر ان الشحن حق الكاميرا خلص..! لكن صورنا اللي نقدر عليه.. سوق المباركية..وسوق الكوت..ونسينا شي بس ما نسيناه !! بقولكم كيف؟؟ __________________ البحث عن مواضيع لنفس العضو