السلام عليكم ورحمة الله وبركاته
الاخوة الاعزاء
الى من يريد الذهاب الى الفلبين انصحه بعدم التعامل مع المدعوه بريسلا , انا توني واصل من هناك وتعاملت معها وبصراحة لقيت انها استغلاليه بشكل ما يخطر على البال
استقبلتنا بالمطار واخذتنا لفندق اسمه اي افنيو في مكاتي وطلبت على الشقه بغرفتين وصاله 150 دولار ونكتشف من
واحد من الاصدقاء الله يجزاه الف خير ان سعر الفندق الاصلي اقل من كذا يعني رافعه السعر اكثر من السعر اللي يعطيك اياه الفندق هذا غير العموله اللي يطلع لها بالاصل .
ولما طلبنا انها تضبط لنل رحله ال بوركاي طلبت 475 دولار للشخص الواحد ولما قلت لها السعر هذا كثير زعلت وقالت انا قصت التذاكر وسويت الحجوزات واذا ما تبون تلروحون تتدفعون غرامه لانكم كنسلتو الرحله مع العلم باننا ما طلبنا منها القيام بالحجوزات الا بعد ما تعلمنا عن السعر فقمت بالاتصال ب ديبي وهي تعمل في مجال الحجوزات للمقارنه بين سعرها وسعر بريسلا اتضح ان سعر (ديبي ) يعادل 300 دولار للشخص الواحد لا وايش تعطيك غرفه على المسبح ,,فقلت للمدعوه بريسلا عن هالكلام فرفظت بزعل ,قلنا الشكوى لله خلينا اقل شي لو نكاسرها وتطيح لنل شوي فقالت راح اعطيكم السعر 450 دولار ,,فعشان نفتك منها قلنا الشكوى لله ندفع بس نفتك منها ودفعنا 900 دولار لمدة ليلتين وايش غرفة وحده لنا حنا الاثنين وبعيده جدا عن المسبح وعن الشاطي وبالصده نكتشف عن طريق واحد من الاصدقاء كان موجود هناك ان سعر الفندق اقل من سعرها اذا تحجز من عندهم بنفسك .
والله اني تعاملت مع (ديبي ) وكانت قمة في التعامل ولا تحب اللف والدوران مو زي هذي اللي لو تقدر تاخذ اللي بجيبك ما وفرته.
حبيت احذر منها واللي مو مصدق يتعامل معاها ويقارن بالاسعار وراح يشوف الفرق.