الموضوع: فرســــان .. حتماً سنعـود! - تقريــر رحــ ThE PrOGraMmEr ــلـة إلى فرسـان
عرض مشاركة واحدة
قديم 19-07-2008, 09:59 AM   #122 (permalink)
ThE PrOGraMmEr
عضو العرب المسافرون المميز

 
الصورة الرمزية ThE PrOGraMmEr
 
تاريخ التسجيل: Jun 2005
الدولة: β... Canada ...β
رقم العضوية :28478
المشاركات: 1,683




افتراضي

بيرم
العفو يا الغالي .. وهذا اقل شيء اقدر اسويه لكم كـ منتدى اولاً .. ولديرتي ثانياً .. << طق عرق الوطنية
اسعدني اعجابك وردك اخوي ..

taki
الله يسلمك ويعافيك اخوي ..
فعلاً اخوي مثل ما تفضلت .. والله لو يجيها اهتمام كان تسوي ضجججة .. لكن الشكوى لله
اكبر سمكة صدناها انسامت مننا في السوق ب 35 الف وما بعنا .. << سمكة لوي فيتون!
يعطيك العافية على الرد ..

الرحالة
هلا والله وغلا .. ايه والله انك في آي بي مع مرتبة الشرف ..
يا حبّنيلك يا شيخ انت وبثارتك ..
الله يعافيك ويسلمك يا الغالي .. وفعلاً مقدّر وشاكر لك اهتمامك ومتابعتك المستمرة .. وابشر بالرسالة الخاصة اول ما احط اي تقرير ..

shami07
ووجهك اخي الكريم ..
صراحة ما فيه رد يقابل روعة ردك اخوي .. لكن الف شكر لك .. ولك مثل ما دعيت لي .. وابو امجد صدقني تنبسط معه ..
اما كلامك عن اللي تبيه ياخذ له كتاب 500 صفحة .. ياااوك .. والله يا انت طلعت بهالسطر كلام واجد في نفسي .. يعطيك الف عافية .. واشكرك على ردك مره ثانية ..

mzoon
مرحبا اختي ..
والله حتى انا انصدمت في مستواه .. لكن للتصحيح .. تراه في فرسان نفسها مهو في جيزان ..
الله يعافيك ويسلمك اختي .. والله ما قصرتي بردودك المستمرة وتعليقاتك المشجعة ..
والله يجزاك خير على دعواتك ..
اما (...) لا يهمّك بس .. ما زادني الا ثقة في نفسي .. واذا جائتك مذمّة من (..) فأعلم انك كويّس
ابداً ما تحسّفت .. ولو ما يجيني الا بعض الأخوان والأخوات اللي متابعين معي من بداية التقرير _وانتي منهم_ .. يكفوني ..
الف شكر لك على الرد اللي يونّس ..

النمر.
لاااا والله وش دعوى يا الغالي .. تكرم عن الـ (...) ..
امريكا يا طويل العمر رحت لها .. لكن ما رحت الا لفلوريدا بس .. ورحت واشنطن وانا صغيير ما اذكر الا مبانيها ..
انكانك ناوي تروح دراسة .. الأخوان في البوابة التعليمية ما يقصرون معك لأني ما عندي فكرة عن الدراسة .. وانكان قصدك سياحة .. ممكن افيدك بشيء بسييط ..
اشكر لك ردك مرة ثانية ..

it`s meee
هههههههههههههههه هلا والله ..
ابد ما همّني يا رجال .. اعتبره زي هالكيبورد اللي انا اكتب منه .. والله حتى الكيبورد ازين منه .. على الأقل منه فايدة ..
اصحاب الميزان اكوس ناس اصلاً
والـ (..) اتوقع برج البقرة وانت الصادق
الله يعافيك ويجزاك الف خير على هالدعوة .. والله فعلاً اثلجت صدري واسعدتني الله يسعدك ..
ومن جد انت فخر لتقريري تواجدك ..
اما ابو امجد يا طويل العمر .. خل ابعلمك كم عطيته لكن في آخر ردي عشان يكون واضح للأعضاء كلهم .. لكن منتب حووووووله!
اما خويي .. كان يتروش وهو لابسها
شكراً على الرد ..

تيتشرمزوون
يالله ننتظر التقرير مهوب بس كلاااام!
يعطيك العافية على الرد ..

amm6504
العكس يا الغالي .. الصراحة ما ادري وشلون اشكرك .. لأنك قاعد تزيد من المعلومات اللي في تقريري .. وجالس تفيد الأخوان ..
الف شكر لك على معلوماتك الثمينة .. ويا ليت مشرفنا يحطها في كـ إقتباس في موضوعي الأصلي عشان يستفاد منها بأكبر قدر ممكن ..
اكرر شكري لك اخي الغالي ..

CoCaToo
يا هلا والله ومسهلا ..
الله يسلمك ويعافيييييك .. والله اخجلت تواضعي يا الغالي بكلامك هذا ..
والله اشد على يدك انك تروح لها .. واي خدمات او معلومات انا تحت امرررك انت وباقي الأعضاء الطيبين .. لا احد يتردد يرسل لي رسالة خاصة او يسألني هنا في الموضوع ..
رقمي ورقم ابو امجد ما اتوقع الإدارة بتقبل احطها هنا .. لكن شيّك الرسائل الخاصة عندك ما قدرت ارسل لك .. اتوقع ماهي مفعّلة ..
المبلغ ابقول لكم كلكم الحين ..
الغزلان موجود بكثرة فعلاً .. لكن ما رحت حتى للمنطقة اللي تتواجد فيها ..
يعطيك الف عافية .. وشاكر لك ردّك يا الغالي ..

Bent KSA
هههههههههههههه من جد .. ما امداها تتهنّى مسكينة ..
وشلون مسكنااهااا؟
هذا يا طويلة العمر وحنا نصيد في الليل خلص الطعم الطازج .. وقلنا نبي نرمي الشبكة نصيد طعم جديد عشان يجيب سمك احسن .. فكانت هالمسكينة موجودة في الشبكة .. وقلت خلني استهبل على الأعضاء واسوي لهم فلم هندي
اشكرك اختي على المتابعة المستمرة .. يعطيك الف عافية على الردود المشجّعة ..

< عالي الهمة >
هلا بالعضو الماسي في تقريري << والله يا انا لاقيكم .. كل واحد اعطيه اسم وينبسط << تراني امزح يا الغالي .. والله لك مكانة خاصة
فعلاً .. نهاية اي شيء تكون محزنة .. والله اني اتذكر شعوري وانا متجه الى مطار ميونخ ابرجع من النمسا .. كأنه امس .. ما اذكر ضاق صدري بنهاية سفرة في حياتي مثل ذيك السفرة ..
والله ثق فيني يا الغالي .. انه بقدر ما خانتك الكلمات في الرد علي .. الا انها خانتني اكثر في التعليق على ردك النموذجي .. << ماش .. هالكلمات يبيلها تأديب .. قليلة ادب دايم تخون الناس!
اما بعض الحاقدين .. والله العكس صرت انبسط اذا شفت هالشاكلة ..
والله انا اللي اشكرك على تعليقاتك وردودك المستمرة يا الغالي ..
اما كلماتي اللي اقتبستها .. نسأل الله ان يجعلنا من المتوكلين عليه في كل امور حياتنا .. والله يجزاك خير ..
تحيّاتي لك ..

Al-Samel
الله يحييك .. وهذي الساعة المباركة اللي قدرت ادخل فيها السعادة على نفوسكم ..
لك بمثل ما دعوت لي به ..

مالها حدود.
مرحبا اختي ..
والله اسعد اللحظات اللي افدت وامتعت فيها الأعضاء الطيبين امثالك .. وصدقيني مهما كان النقد قوي او المعاتبة قاسية .. اعتبرها دعم لي فقط "اذا" كانت بأسلوب راقي .. وهذا اللي شفته من انتقادك لموضوعي .. بعكس الأحمق اعلاه ..! لأني انا ضد الأسلوب .. ماني ضد النقد نفسه ..
فالعكس .. تعليقك نبهني على شغلات كنت غافل عنها .. واشكرك عليه ..
اما بالنسبة لتقريري مع اخوانك ومع الوالد .. والله فخر كبير لي ..
عموماً اذا احتاجوا الأخوان اي شيء انا في الخدمة ..
اشكرك على المتابعة المستمرة اختي .. وشرفتينا في التقرير ..

N22VIP
حياك اخوي ..

Khalid6rb
وعليكم السلام ورحمة الله وبركاته ..
ههههههههه عارف مشاكل تفعيل اليوزرات .. مرة عانيت مع احد المنتديات اكثر من 4 سنوات تخيّل!
الف شكر لك على الرد .. واتمنى تشرفني في تقاريري الثانية ..

amm6504
العفو اخوي ..
انت قربت من السعر .. والحين ابعطيكم التفاصيل ..

< عالي الهمة >
هه .. حولها .. بس دقايق واعلمكم بالتفاصيل الحين ان شاء الله ..

سفرياتي
اقرب إجابة إجابتك اخوي ..
انتظر الحين وتعرف التفاصيل ..

المحامي999
الله يعافيك ويسلمك .. شرفتنا والله يا الغالي ..
وفعلاً تستحق الزيارة فرسان ..
شكراً على الرد ..

amm6504
مرحبا اخوي .. صدقني اني ما ادري وشلون اشكرك على إضافاتك .. الله يعطيك العافية وما قصرت ..

Khalid6rb
ابشر بالتفاصيل الحين ان شاء الله ..

د.الحب
وعليكم السلام ورحمة الله وبركاته ..
مرورك اروع يا الغالي ..
اشد على يدك انك تروح .. تبي تنبسط ان شاء الله ..
اما ابو امجد .. والله اللي يشتغل بذمّه وضمير ويخلص في شغله .. ما يحتاج دعاية .. وربي يبي يوفقه .. وفي النهاية والله انه يستاهل اكثر من كذا ..
لا لا المبلغ اكثر من كذا ..
شكراً على الرد ..

هايدي
تسلمين اختي .. مرورك زاد التقرير روعة ..
اشكرك على هالكلام الحلو .. الله يعطيك العافية ..

نجي الحين لتفاصيل التكاليف يا اخوان ..

اول شيء .. التذاكر مثل ما قلت لكم قبل .. 200 ريال رايح جاي .. يعني 600 ريال

السكن .. ليلة وحدة بـ 450 ريال..

ابو امجد اتفاقنا معه كان 2000 ريال شاملة كل شيء سواه لنا .. واحنا عطيناه 2100 ريال..
الفلوكة في الروحة 150 ريال .. وفي الرجعة 250 ريال .. يعني 400 ريال ..
يعني المجموع 600 + 450 + 2100 + 400 = 3550 .. مع مصاريف متفرّقة (موقف السيارة في مطار الرياض، تكاسي، مشروبات، .. إلخ) تقريباً 350 ريال .. يعني المجموع 3900 ريال بالضبط .. لأننا كنّا مبدئياً قاطّين كل واحد 1500 ريال .. واحنا راجعين من مطار الرياض لبيتنا .. الباقي كان 603 .. كل واحد رجع له 201 .. يعني القطّة بالضبط بالضبط .. 1299 ريال على الواحد ..
والله تستاهل اكثر من كذا بعد!

اشكركم كلكم .. واذا فيه اي استفسارات لا يردكم الا الرسايل الخاصة .. او حتى اللي يبي يرد هنا في الموضوع نفسه .. احسن بعد عشان يستفيدون باقي الأخوان ..

تحيّاتي لكم ..
ThE PrOGraMmEr
ThE PrOGraMmEr غير متواجد حالياً   رد مع اقتباس