مـنـتـدى الـعـرب الـمـسافـرون - عرض مشاركة واحدة - فرســــان .. حتماً سنعـود! - تقريــر رحــ ThE PrOGraMmEr ــلـة إلى فرسـان

ThE PrOGraMmEr · 03-07-2008, 04:37 PM

هذا اول ما قمت .. المنظر اللي نايمين قدامه .. (لاحظوا شبشبنا اهم شيء في الموضوع )

طبعاً الطعم كل ما صار طازج .. كل ما جاب سمك بشكل افضل .. لذلك الطعم اللي معنا يبي يصير قديم .. فأبو امجد البطل .. حط شبكة في الليل عشان نقوم نلقاها ماسكه سمك نخليه طعم ..
هذي صورة الشاطيء من زاوية ثانية .. وتظهر عوامات الشبكة الحمراء اللي قلت لكم ..

وهنا لقطات متفرّقة من جلستنا ..
هذا ابو عيسى توه مصبح ورايح يفك الشبكة ..

طبعاً انا كل ما قمت في الليل .. القى ابو حوش فاصخ قطعة من ملابسه (الجو كان كاتم شوي .. ) .. لو اننا نايمين زود شوي كان قمنا وما لقينا عليه ملابس هههههههههه
هذولي العيال وهم نايميييييييين .. ابو نايف يمين وابو حوش يسار .. ويظهر ان ابو نايف ما طلع منه الا راسه من عمق نومته!! << اقول بلا سماجة تكفا!!
طبعاً ابو حوش مسيكين .. ما نام الا نص ساعة تقريباً << ترا صدق مهوب استهبال

هذا فراشي الموقّر .. كنّه لبس دكتور اسنان

موية الغسيل والصابون عقب العشاء امس ..

اللّمبات والماطور ..

ابو عيسى وبداية فك الشبكة ..

شوفوا هالصورة بعدين ابقول لكم التعليق ..

طبعاً اكثركم يبي يقول وش يبي ذا!! مصور رجليه ويبي يعلق عليها!! وش ممكن يقول مثلاً! يبي يعلمنا عن عدد شعرات رجليه؟
لا لا يا اصدقائي .. ابقول لكم ان اغلبكم يحسبني واقف على الأرض .. لكني واقف في البحر .. ورجليني الى الكعب في الموية اذا لاحظتوا .. وصورت هالصورة عشان ابين لكم صفاوة الموية ..

هذي السمكة الوحيدة اللي لقينا الشبكة ماسكتها ..

ابو عيسى قرب ..

صورة للجزيرة وانا في وسط البحر .. ولو تلاحظون فيه مبنيين متواضعات .. هذي مسوينها الصيايدين على اساس مساجد .. بس ما ادري ليش اثنين!

ابو عيسى وهو "يزنط" السمكة

ابو عيسى وهو يفكها من الشبكة << اقول ليتك ما تكثر تفاصيل!! << ما لك دخل تقريري وانا حر!!

بدا نور الشمس يبين شوي ..

طبعاً ابو عيسى الأحمق! فك السمكة ورماها .. وانا قاعد اقول له يبن الحلال خلها نخليها طعم .. يقول لا ما تصلح! .. واحاول فيه .. وما طاع .. كننا نبي نحط واحد من عياله طعم!
المهم يوم قام ابو امجد واقول له السالفة .. قال كيييف .. هذي احسن شيء للطعم! << يبي مشاكل
عاد قعدوا يتهاوشون على الطاير (طبعاً هواش مزح .. ولا بينهم معزة غير طبيعية ما شاء الله .. ) .. طبعاً ما لك امل تفهم كلمة من كلامهم مع السرعة ..

احد المبنيين اللي قلت لكم عن قرب ..

احد ضحايا الأمس ..

صورة للشاطيء من الجهة الثانية ..

نسيت اقول لكم اننا من ضمن مشينا امس في الليل .. شوفوا في الصورة اللي فوق تلاحظون الشاطيء مستمر .. انا مشيت معه انا والعيال الين اخره .. وانا سابقهم شوي .. المهم ما دريت الا ابو حوش يقول خالد خالد خااالد تعااال .. انا انخرشت وجيته اركض .. قال والله يا ربّي كاتب لك عمر .. شف هناك!
واناظر .. والقى ثعبان ملتف على صخرة .. كنّه لي حديقة من طوله ابن الكلب! وكان جنبي مررره .. لكن الحمدلله ربي ستر ..

يتبع>>

__________________

البحث عن مواضيع لنفس العضو

03-07-2008, 04:37 PM	#50 (permalink)
ThE PrOGraMmEr عضو العرب المسافرون المميز تاريخ التسجيل: Jun 2005 الدولة: β... Canada ...β رقم العضوية :28478 المشاركات: 1,683	هذا اول ما قمت .. المنظر اللي نايمين قدامه .. (لاحظوا شبشبنا اهم شيء في الموضوع ) طبعاً الطعم كل ما صار طازج .. كل ما جاب سمك بشكل افضل .. لذلك الطعم اللي معنا يبي يصير قديم .. فأبو امجد البطل .. حط شبكة في الليل عشان نقوم نلقاها ماسكه سمك نخليه طعم .. هذي صورة الشاطيء من زاوية ثانية .. وتظهر عوامات الشبكة الحمراء اللي قلت لكم .. وهنا لقطات متفرّقة من جلستنا .. هذا ابو عيسى توه مصبح ورايح يفك الشبكة .. طبعاً انا كل ما قمت في الليل .. القى ابو حوش فاصخ قطعة من ملابسه (الجو كان كاتم شوي .. ) .. لو اننا نايمين زود شوي كان قمنا وما لقينا عليه ملابس هههههههههه هذولي العيال وهم نايميييييييين .. ابو نايف يمين وابو حوش يسار .. ويظهر ان ابو نايف ما طلع منه الا راسه من عمق نومته!! << اقول بلا سماجة تكفا!! طبعاً ابو حوش مسيكين .. ما نام الا نص ساعة تقريباً << ترا صدق مهوب استهبال هذا فراشي الموقّر .. كنّه لبس دكتور اسنان موية الغسيل والصابون عقب العشاء امس .. اللّمبات والماطور .. ابو عيسى وبداية فك الشبكة .. شوفوا هالصورة بعدين ابقول لكم التعليق .. طبعاً اكثركم يبي يقول وش يبي ذا!! مصور رجليه ويبي يعلق عليها!! وش ممكن يقول مثلاً! يبي يعلمنا عن عدد شعرات رجليه؟ لا لا يا اصدقائي .. ابقول لكم ان اغلبكم يحسبني واقف على الأرض .. لكني واقف في البحر .. ورجليني الى الكعب في الموية اذا لاحظتوا .. وصورت هالصورة عشان ابين لكم صفاوة الموية .. هذي السمكة الوحيدة اللي لقينا الشبكة ماسكتها .. ابو عيسى قرب .. صورة للجزيرة وانا في وسط البحر .. ولو تلاحظون فيه مبنيين متواضعات .. هذي مسوينها الصيايدين على اساس مساجد .. بس ما ادري ليش اثنين! ابو عيسى وهو "يزنط" السمكة ابو عيسى وهو يفكها من الشبكة << اقول ليتك ما تكثر تفاصيل!! << ما لك دخل تقريري وانا حر!! بدا نور الشمس يبين شوي .. طبعاً ابو عيسى الأحمق! فك السمكة ورماها .. وانا قاعد اقول له يبن الحلال خلها نخليها طعم .. يقول لا ما تصلح! .. واحاول فيه .. وما طاع .. كننا نبي نحط واحد من عياله طعم! المهم يوم قام ابو امجد واقول له السالفة .. قال كيييف .. هذي احسن شيء للطعم! << يبي مشاكل عاد قعدوا يتهاوشون على الطاير (طبعاً هواش مزح .. ولا بينهم معزة غير طبيعية ما شاء الله .. ) .. طبعاً ما لك امل تفهم كلمة من كلامهم مع السرعة .. احد المبنيين اللي قلت لكم عن قرب .. احد ضحايا الأمس .. صورة للشاطيء من الجهة الثانية .. نسيت اقول لكم اننا من ضمن مشينا امس في الليل .. شوفوا في الصورة اللي فوق تلاحظون الشاطيء مستمر .. انا مشيت معه انا والعيال الين اخره .. وانا سابقهم شوي .. المهم ما دريت الا ابو حوش يقول خالد خالد خااالد تعااال .. انا انخرشت وجيته اركض .. قال والله يا ربّي كاتب لك عمر .. شف هناك! واناظر .. والقى ثعبان ملتف على صخرة .. كنّه لي حديقة من طوله ابن الكلب! وكان جنبي مررره .. لكن الحمدلله ربي ستر .. يتبع>> __________________ البحث عن مواضيع لنفس العضو التوقيع : تقرير رحلتي لـ : البوسنــة 2004 تايلـــند 2006 النمـــسا 2007 فرســـان 2008