مـنـتـدى الـعـرب الـمـسافـرون - عرض مشاركة واحدة - فرســــان .. حتماً سنعـود! - تقريــر رحــ ThE PrOGraMmEr ــلـة إلى فرسـان

ThE PrOGraMmEr · 03-07-2008, 04:36 PM

مرحباً جميعاً ..

قبل ما اقول اي شيء .. تراني والله من الثلاثاء الليل وانا احاول ارفع الصور وتوها تضبط معي الحين ..

صراحة فكّرت اجيب لكم دعابة .. ولا نصبة اطلقها عليكم .. لكن خفت يتفقّع وجهي .. متأخر عليكم واستظرف!
لذلك آثرت ان اكتفي بأنّي اذكركم بنكتة بسيطة لا يكاد احدنا لا يعرفها ..
طلبت هند من ابيها ان يشتري لها طبلة ... <<< لا لاااااا هذي قلتها في تقرير النمسا!!
طيب ما يخالف خذوا ذي اجل ..

بس تراها مهيب قديمة عاد سامحتكم ..

--
محشش يقول لخويه :
أتحداك تجيب اسم دولة أوروبية ....
لو حطيت (نقطة) على آخر حرف ‏فيها ....
يطلع لك ( اسم عَالِم ذرَّة )

قال خويه :
بصراحة مدري !!

قال المحشش :
الدولة هي (قطر)
وإذا حطيت النقطة بتصير (قطز)

قال خويه :
قطر دولة أوروبية؟؟!!

قال المحشش :
يعني قطزاللي عالِم ‏ذرَّة ؟؟ << محشّش وعبيط في نفس الوقت
--

المهم .. نرجع للتقرير ..

آخر ما وصلنا له كان نومنا في الجزيرة ..
طبعاً ممكن البعض "الفطين" منكم جاه تسائل .. وقال يا ترا هل نام ابو نايف؟ بما انه نام قبلهم وهم يتمشون في الجزيرة!
الإجابة وبكل تأكيد .. ايه .. قام تعشى ورجع نام قبلنا!!!
المهم .. كانت نومة رائعة .. مع انها متعبة!! لكن التجربة نفسها معطيتها طعم ..

كانت نومة عميقة بحكم التعب مثل ما شفتوا .. لكن على عمق النوم!! لم انفك اسمع صوت جمس بهبهاني ابو عبّارتين يشتغل كل شوي ويطفى!!
اقوم كل شوي واناظر .. ما فيه شيء! وين يا عمّي!! .. جمس ابو عبارتين وش يجيبه في هالجزيرة!!؟
يا ولد .. اكيد انت توسوس .. احط راسي مره ثانية .. بربربربربر !!
رجع صوت الجمس!!
قبل ما اكمل القصة .. خذو هذي صورة للّي ما يعرفون البهبهاني

المهم يا جماعة .. قلت ابسوي نفسي نايم .. واذا طلع ابقوم على طول واكفشه!!
المهم .. انسدحت .. وشوي .. بربربربر واقوم على طول .. وش تتوقّعون صار؟
تالله وبالله انه شخير ابو نايف!! لعن ابو بليسك انت كيف نظامك؟ ياخي كم العمق اللي انت نايم عليه؟؟ اتوقع اكثر من 35000 قدم
والله يا جماعة انه قذف الرعب في قلبي بشخيره
المشكلة يوم انه قام .. يقول يوووووه ياخي ما نمت زين!!
قلت له بلاك ما سمعت البهبهاني اللي كان يشتغل وانت نايم .. والله لو اني ماخذك لمعارض النسيم ان تجيك اول سومة 40 الف
المهم مهوب موضوعنا ..
قمت انا عاد القومة الأخيرة .. والعيال لا يزالون نايمين .. قعدت مفهي لي شوي على هالمنظر البطل ..
بعدين قمت غسلت وتوضيت من البحر (يا شين المويه المالحة في الفم ) << عبيط .. فيه مويه حلوة .. بس كذا ابي اتوضى من البحر!!
صليت الفجر .. وبديت جولتي ..

يتبع>>

__________________

البحث عن مواضيع لنفس العضو

03-07-2008, 04:36 PM	#49 (permalink)
ThE PrOGraMmEr عضو العرب المسافرون المميز تاريخ التسجيل: Jun 2005 الدولة: β... Canada ...β رقم العضوية :28478 المشاركات: 1,683	مرحباً جميعاً .. قبل ما اقول اي شيء .. تراني والله من الثلاثاء الليل وانا احاول ارفع الصور وتوها تضبط معي الحين .. صراحة فكّرت اجيب لكم دعابة .. ولا نصبة اطلقها عليكم .. لكن خفت يتفقّع وجهي .. متأخر عليكم واستظرف! لذلك آثرت ان اكتفي بأنّي اذكركم بنكتة بسيطة لا يكاد احدنا لا يعرفها .. طلبت هند من ابيها ان يشتري لها طبلة ... <<< لا لاااااا هذي قلتها في تقرير النمسا!! طيب ما يخالف خذوا ذي اجل .. بس تراها مهيب قديمة عاد سامحتكم .. -- محشش يقول لخويه : أتحداك تجيب اسم دولة أوروبية .... لو حطيت (نقطة) على آخر حرف ‏فيها .... يطلع لك ( اسم عَالِم ذرَّة ) قال خويه : بصراحة مدري !! قال المحشش : الدولة هي (قطر) وإذا حطيت النقطة بتصير (قطز) قال خويه : قطر دولة أوروبية؟؟!! قال المحشش : يعني قطزاللي عالِم ‏ذرَّة ؟؟ << محشّش وعبيط في نفس الوقت -- المهم .. نرجع للتقرير .. آخر ما وصلنا له كان نومنا في الجزيرة .. طبعاً ممكن البعض "الفطين" منكم جاه تسائل .. وقال يا ترا هل نام ابو نايف؟ بما انه نام قبلهم وهم يتمشون في الجزيرة! الإجابة وبكل تأكيد .. ايه .. قام تعشى ورجع نام قبلنا!!! المهم .. كانت نومة رائعة .. مع انها متعبة!! لكن التجربة نفسها معطيتها طعم .. كانت نومة عميقة بحكم التعب مثل ما شفتوا .. لكن على عمق النوم!! لم انفك اسمع صوت جمس بهبهاني ابو عبّارتين يشتغل كل شوي ويطفى!! اقوم كل شوي واناظر .. ما فيه شيء! وين يا عمّي!! .. جمس ابو عبارتين وش يجيبه في هالجزيرة!!؟ يا ولد .. اكيد انت توسوس .. احط راسي مره ثانية .. بربربربربر !! رجع صوت الجمس!! قبل ما اكمل القصة .. خذو هذي صورة للّي ما يعرفون البهبهاني المهم يا جماعة .. قلت ابسوي نفسي نايم .. واذا طلع ابقوم على طول واكفشه!! المهم .. انسدحت .. وشوي .. بربربربر واقوم على طول .. وش تتوقّعون صار؟ تالله وبالله انه شخير ابو نايف!! لعن ابو بليسك انت كيف نظامك؟ ياخي كم العمق اللي انت نايم عليه؟؟ اتوقع اكثر من 35000 قدم والله يا جماعة انه قذف الرعب في قلبي بشخيره المشكلة يوم انه قام .. يقول يوووووه ياخي ما نمت زين!! قلت له بلاك ما سمعت البهبهاني اللي كان يشتغل وانت نايم .. والله لو اني ماخذك لمعارض النسيم ان تجيك اول سومة 40 الف المهم مهوب موضوعنا .. قمت انا عاد القومة الأخيرة .. والعيال لا يزالون نايمين .. قعدت مفهي لي شوي على هالمنظر البطل .. بعدين قمت غسلت وتوضيت من البحر (يا شين المويه المالحة في الفم ) << عبيط .. فيه مويه حلوة .. بس كذا ابي اتوضى من البحر!! صليت الفجر .. وبديت جولتي .. يتبع>> __________________ البحث عن مواضيع لنفس العضو التوقيع : تقرير رحلتي لـ : البوسنــة 2004 تايلـــند 2006 النمـــسا 2007 فرســـان 2008