بسم الله نعود
وأسفه عالتأخير
في اليوم الثاني قعدنا الساعه 7 وتريقنا بالفندق وبعدها انطلقنا الى City two وهو شارع طويل لا تدخله السيارات وعلى جانبيه محلات كثيره عالميه ومنها محلات ألمانيه ومحلات ذات صناعه بلجيكيه. بصراحه هالسوق وايد حلو وممتع والمشي فيه ماتحس فيه كلش.وفيه بين المحلات مطاعم كثيره. وأحلى شي لاحظته في بلجيكا إن الشرطه عندهم منتشرين بكثره وتلقاهم يتمشون يمك في جميع الأسواق والأماكن السياحيه كما انهم ودودين ويحسسونك بالأمان. وتمشينا فيه الى الساعه 2 الظهر وبعد المشي بالشارع طلعنا على ال Grand place وهو مكان تنتشر فيه الكنائس والمباني القديمه ذات العمران الجميل ومنتشره فيه كافيهات جميله جدا والقعده فيها روعه وفيها رسامين كما تنتشر فيه المحلات التي تبيع الشوكليت البلجيكي وحلات الهدايا التذكاريه. فإذا كنت تبي تجيب هدايا شوكليت من بلجيكا فأنصحكم بالذهاب الى الجراند بليس
هاذي صوره للجراند بلاس وواضح الرسامين ووراهم الكنائس القديمه
وهالصوره بين شوارع الجراند بليس
*
*
وهاذي صوره نزلتها من النت عن أحد مقاهي الجراند بليس
وهاذي صوره داخل أحد محلات الشوكليت بالجراند بليس
*
وانتهينا من الجراند بليس والتمشي فيه ورجعنا للفندق نقط أغراضنا ونرتاح.وطبعا التنقل هناك كان بالتاكسي وهنا احب أن انبهكم على شغله ان التاكسي في بلجيكا مايوقف لك وولازم تحتفظ برقم أصحاب التاكسي وتتصل عليهم في الوقت اللي تبيهم ايونك وطبعا 10دقايق أو أقل راح تلقى التكسي عندك. والتكاسي عندهم مرسيدس مديل السنه 
بالنهايه أحب ألخص لكم بأن city 2 و grand place قريبين جدا من بعض فتحتاج الى يوم كامل في التمشي والاستمتاع بهم.
اما اليوم الثالث فنصحنا الفندق بأن نذهب الى باريس  كيف؟ سنعرفه بالمره القادمه
يتبع......
التعديل الأخير تم بواسطة حتشبسوت ; 22-05-2008 الساعة 08:47 AM
سبب آخر: تصغير الصور
|