مـنـتـدى الـعـرب الـمـسافـرون - عرض مشاركة واحدة

مسافره مختبه · 19-04-2008, 09:34 AM

صباح الخير/مساء الخير جميعا..

الاسبوع الماضي في اجازة نصف الترم..حبينا نغير جو
(او خلوني اكون صريحه.. اهلي حبوا يغيرون جو وانا لصقت معهم)

فأخترنا البحرين حبيبة القلب..وسكنا فندق عجبني..
فصورت لكم كذا كم صورة وحبيت اخذكم فيه لفه واعطيكم ارائي فيه
(يعني بالعربي اباتفلسف شوي.. اللي راسه مصدع ينفذ بجلده من اوله)

Elite Resort & Spa

نبي نبدا من اول دخلتنا الفندق..

هذا اللوبي..عن يميني وانا اصور صاير الرسبشن..
(بس مالي داعي اصورهم.. باكون مضطره استاذن علشان يكدون شعورهم.. والصراحه مالي خلق اذب وجهي معليش.. )
وعن اليسار حاطين عصير وبقلاوه وبتي فور مجاني ..يم يم
يعني مثل ماتوقعتوا.. يوم كنت اصور هنا كنت مسنتره آكل وفالته عالاخر

تلاحظون قدام.. فيه جهازين للي يبون انترنت وماجابوا معهم لاب توباتهم..
والساعه بدينارين والنص ساعه بدينار ..<<==غالي صح؟
وللاسف مافيه وايرلس مجاني باللوبي مثل باقي الفنادق
ويمكن هذا هو الشي الوحيد اللي ماعجبني بالفندق

جانب اخر من اللوبي..
(مسويه دقيقه واوريكم اياه من جميع الجوانب)

هنا منطقة المسابح..
طبعا ماشاء الله مايفضى. بس الشي الحلو فيه.. انه مافيه الا ربعنا
يعني مافيه مناظر ناس (لابسين من غير هدوم)

المسبح من زاويه ثانيه..
قلت لكم مسويه دقيقه علشانكم بس ماصدقتون

ليه بس يااليت ريزورت اند سبا..
تونا مادحينك وقايلين انك مؤدبين وعيال اجواد..
هنا محل بيع الدخان والشسمه والعياذ بالله
<<==دام انه والعياذ بالله طال عمرتس ليش مصورته<<==والله مدري

هنا الشرفه (يمديكم على الكلمه) اللي تطل على البحر..
وهنا تلاحظون على اليمين الدانه نوفوتيل..
الله يستر بس مايشكوننا على الشرطه يقولون عيالكم يقزون محارمنا

هنا اللي بايعها ويبي يقز حقين الدانه نوفوتيل وماهمه احد..
يجلس هنا..
تحسون ناقص شيشه ووزره ويكمل اللوك

اخذنا شقتين..
كل شقه فيها غرفتين..وصاله وطاولة اكل ومطبخ و3 حمامات تكرمون

الحين بوريكم الشقه..
بس قبل خلون اوريكم وش شفت على الطريق..

هذولا جيراننا..
ملحسين صحونهم تلحيس(ماشاء الله تبارك الله)
بس الملاعق نظيفه
وشلون جت ذي.. مااااااادري

هذي الغرفه الاساسيه..
لعبت على خواتي واخذته
يمديكم بس على مهارات السيطره
وتوفيرا للجهد والوقت لاخواتي القارئات..
الشنطه موب ماركه.. مايحتاج تسوون زوم

السرير حق الغرفه الاساسيه....

صورة ليلية للغرفه..
وهنا شاريه ساعات علشان ادخل نت (نفس الشي موب مجاني)

كلاكيت مره ثانيه السرير..
بس بوريكم اياه بالليل.. علشان هو يتغير مع ضوء القمر <<==عاش مصرف
(ايقونة متورطه بصورها وبتحطهم كلهم تغثكم به)

حمام الغرفه الاساسيه (تكرمون)
وتلاحظون فيه (جاكوزي)<<===اللي صاير مسمار جحا

جانب اخر من حمام جحا..

هنا راميه خواتي اللي اصغر مني..
علشان بس تعرفون اني مجرمه

هذي اطلالة السويت..
الصراحه شي

هذي الصاله..
<<==احلفي نحسبه غرفة الغسيل

هذا المطبخ..
فيه غسالة ملابس.. وغسالة صحون ومايكرويف وثلاجه ومواعين كامله
(ايقونة متحمسه تعدد باصابعه..)

هذا بابهم من جوا..
مسوي بربري على غفله

قمت الصبح من بكره..
واحاول اقوم فيهم بس محد راضي يقوم

اضطريت انزل كعادتي الملكيه كأني موسوسه ..
وافطرت بلحالي..

هنا السيب (المؤدي) للمقلط حقهم..
ولاحظوا الشيف هنا بينحاش وقاعد يضغط الاسانسير..
بس على مين يابابا..
اول مايشوفونن بيرجعونه غصب (يؤدي) فروض الولاء والطاعه...

هنا جلست اتفرج على الرايح والجاي اكسر الخاطر..
كلن معه اهله وخواته ويسولفون.. الا انا كأن علي حجر صحي بلحالي محد يحاكيني

هذا افطار البؤسااااء
حطوا بالكم للتوست المحروق..
الصراحه طباخه ماهره انا..

وقعدت ساعه كامله افطر واتفرج على الرايح والراد..
وتاليته ارقى فوق القى التالي
7
7
7
7

ماقاموا

لاحول ولاقوة الا بالله..
وش ممكن اسوي؟
وش ممكن اشغل روحي فيه؟

وانزل تحت استكشف النادي الصحي..
فيه نادي صحي عام.. وماقدرت اصوره.. لانه مليان ناس..
وفيه قسم خاص صغير للنساء..قدرت اصوره لكم..
لانه فاضي

هذي غرفة السونا الخاصه بالنساء..
من جوا مابان التصوير..
بس حسيت كانها كراسي الصاروخ تشالنجر
طيب لو اقلع.. من بيتورط بعيالي

هنا حاطين غرف صغيره لتغيير الملابس.. قدام الساونا..
((ياحظكم شفتوا عباتي))

هذا الجاكوزي..
بس جاكوزي من نوع خاص.. موب اي جاكوزي..
خاص لقوارب عيالكم الورقيه
لانه خربان مايشتغل

فاصل ونعود..

__________________

البحث عن مواضيع لنفس العضو

19-04-2008, 09:34 AM	#1 (permalink)
مسافره مختبه خبيرة سفر ماليزيا تاريخ التسجيل: Aug 2007 الدولة: الرياض << لاتلمني في هواها رقم العضوية :154153 المشاركات: 3,713	Elite Resort& Spa صباح الخير/مساء الخير جميعا.. الاسبوع الماضي في اجازة نصف الترم..حبينا نغير جو (او خلوني اكون صريحه.. اهلي حبوا يغيرون جو وانا لصقت معهم) فأخترنا البحرين حبيبة القلب..وسكنا فندق عجبني.. فصورت لكم كذا كم صورة وحبيت اخذكم فيه لفه واعطيكم ارائي فيه (يعني بالعربي اباتفلسف شوي.. اللي راسه مصدع ينفذ بجلده من اوله) Elite Resort & Spa نبي نبدا من اول دخلتنا الفندق.. هذا اللوبي..عن يميني وانا اصور صاير الرسبشن.. (بس مالي داعي اصورهم.. باكون مضطره استاذن علشان يكدون شعورهم.. والصراحه مالي خلق اذب وجهي معليش.. ) وعن اليسار حاطين عصير وبقلاوه وبتي فور مجاني ..يم يم يعني مثل ماتوقعتوا.. يوم كنت اصور هنا كنت مسنتره آكل وفالته عالاخر تلاحظون قدام.. فيه جهازين للي يبون انترنت وماجابوا معهم لاب توباتهم.. والساعه بدينارين والنص ساعه بدينار ..<<==غالي صح؟ وللاسف مافيه وايرلس مجاني باللوبي مثل باقي الفنادق ويمكن هذا هو الشي الوحيد اللي ماعجبني بالفندق جانب اخر من اللوبي.. (مسويه دقيقه واوريكم اياه من جميع الجوانب) هنا منطقة المسابح.. طبعا ماشاء الله مايفضى. بس الشي الحلو فيه.. انه مافيه الا ربعنا يعني مافيه مناظر ناس (لابسين من غير هدوم) المسبح من زاويه ثانيه.. قلت لكم مسويه دقيقه علشانكم بس ماصدقتون ليه بس يااليت ريزورت اند سبا.. تونا مادحينك وقايلين انك مؤدبين وعيال اجواد.. هنا محل بيع الدخان والشسمه والعياذ بالله <<==دام انه والعياذ بالله طال عمرتس ليش مصورته<<==والله مدري هنا الشرفه (يمديكم على الكلمه) اللي تطل على البحر.. وهنا تلاحظون على اليمين الدانه نوفوتيل.. الله يستر بس مايشكوننا على الشرطه يقولون عيالكم يقزون محارمنا هنا اللي بايعها ويبي يقز حقين الدانه نوفوتيل وماهمه احد.. يجلس هنا.. تحسون ناقص شيشه ووزره ويكمل اللوك اخذنا شقتين.. كل شقه فيها غرفتين..وصاله وطاولة اكل ومطبخ و3 حمامات تكرمون الحين بوريكم الشقه.. بس قبل خلون اوريكم وش شفت على الطريق.. هذولا جيراننا.. ملحسين صحونهم تلحيس(ماشاء الله تبارك الله) بس الملاعق نظيفه وشلون جت ذي.. مااااااادري هذي الغرفه الاساسيه.. لعبت على خواتي واخذته يمديكم بس على مهارات السيطره وتوفيرا للجهد والوقت لاخواتي القارئات.. الشنطه موب ماركه.. مايحتاج تسوون زوم السرير حق الغرفه الاساسيه.... صورة ليلية للغرفه.. وهنا شاريه ساعات علشان ادخل نت (نفس الشي موب مجاني) كلاكيت مره ثانيه السرير.. بس بوريكم اياه بالليل.. علشان هو يتغير مع ضوء القمر <<==عاش مصرف (ايقونة متورطه بصورها وبتحطهم كلهم تغثكم به) حمام الغرفه الاساسيه (تكرمون) وتلاحظون فيه (جاكوزي)<<===اللي صاير مسمار جحا جانب اخر من حمام جحا.. هنا راميه خواتي اللي اصغر مني.. علشان بس تعرفون اني مجرمه هذي اطلالة السويت.. الصراحه شي هذي الصاله.. <<==احلفي نحسبه غرفة الغسيل هذا المطبخ.. فيه غسالة ملابس.. وغسالة صحون ومايكرويف وثلاجه ومواعين كامله (ايقونة متحمسه تعدد باصابعه..) هذا بابهم من جوا.. مسوي بربري على غفله قمت الصبح من بكره.. واحاول اقوم فيهم بس محد راضي يقوم اضطريت انزل كعادتي الملكيه كأني موسوسه .. وافطرت بلحالي.. هنا السيب (المؤدي) للمقلط حقهم.. ولاحظوا الشيف هنا بينحاش وقاعد يضغط الاسانسير.. بس على مين يابابا.. اول مايشوفونن بيرجعونه غصب (يؤدي) فروض الولاء والطاعه... هنا جلست اتفرج على الرايح والجاي اكسر الخاطر.. كلن معه اهله وخواته ويسولفون.. الا انا كأن علي حجر صحي بلحالي محد يحاكيني هذا افطار البؤسااااء حطوا بالكم للتوست المحروق.. الصراحه طباخه ماهره انا.. وقعدت ساعه كامله افطر واتفرج على الرايح والراد.. وتاليته ارقى فوق القى التالي 7 7 7 7 ماقاموا لاحول ولاقوة الا بالله.. وش ممكن اسوي؟ وش ممكن اشغل روحي فيه؟ وانزل تحت استكشف النادي الصحي.. فيه نادي صحي عام.. وماقدرت اصوره.. لانه مليان ناس.. وفيه قسم خاص صغير للنساء..قدرت اصوره لكم.. لانه فاضي هذي غرفة السونا الخاصه بالنساء.. من جوا مابان التصوير.. بس حسيت كانها كراسي الصاروخ تشالنجر طيب لو اقلع.. من بيتورط بعيالي هنا حاطين غرف صغيره لتغيير الملابس.. قدام الساونا.. ((ياحظكم شفتوا عباتي)) هذا الجاكوزي.. بس جاكوزي من نوع خاص.. موب اي جاكوزي.. خاص لقوارب عيالكم الورقيه لانه خربان مايشتغل فاصل ونعود.. __________________ البحث عن مواضيع لنفس العضو التوقيع : *ّ((ليس كل من يبتسم سعيدا... فربما وراء كل ابتسامة بحر من الدموع))* ملف شامل لاسعار فنادق ماليزيا من موقعي asiaroom + asiatravel زيارتنا لفندق ايليت ريزورت اند سبا طريقة الحجز في طيران Air Asia اونلاين.. خطوه بخطوه **Ferry طريقة الحجز للعباره اونلاين خطوه بخطوه وبالصور Ferry** التعديل الأخير تم بواسطة عبدالعزيز ; 22-04-2008 الساعة 12:24 AM سبب آخر: تم تعديل الصور