المشاركة الأصلية كتبت بواسطة راعي الكومارو

السلام عليكم ورحمة الله


أسمحولى أخذ من وقتكم شوي وأمللكم بموضوعي هذا


في ملاحطة حبيت أحذر اللى يبي ينزل في فندق المارين بلازا - بتايا


في سعرين عندهم السعر الأول ب 550 بات الطابق الثاني والثالث

والطابق 4 و 5 و 6 الخ......... ب 750 بات

المشكله اللى على الكاونتر مجموعة عصابة من اللى على الكاونتر أنتبهو منهن زين وخلكم صاحين مثلا السكن هناك لمدة 20 يوم بيكون 15000 الف بس هي أو الي بيكون على الكاونتر ذيك الساعه بتاخذ عنك 15400 بات
ولا بس عشان تغيرالغرفه إذا ماعيبتك بتاخذ عنك 300 بات .........

أعرف في حد منكم بيقول مب كبير المبلغ بس غير لما إنته تعطيهم برضاك وغير لما يسرقون منك وانته ماتعرف

وطبعا اناوأعوذ بالله من كلمة انا دايما قبل السفر أحسب المدة اللي بقعد فيها وأضربها بالمبلغ حتى على الكاونتر مالهم

وعقب ادفع ..وجذه كشفتها ولما قلت لها المبلغ ليش 15400 بات وهو اصلا 15000




قالت نوووووو تتيبت فور مي


( بخشيش ) جليلة الحياء بخشيش ..ها طبعا الكلام قلت لها بالعربي وهي مافهمت




بس قلت لها أسف مابدفع بخشيش أنا بدفع بس المبلغ ردت على وقالت يوووو كينيو ( أنته بخيل ) قلت لها بييييك كينيو

سكنت في 514 بالضبط حجرة حلوه وأول غرفه أول ماتظهر من المصعد وبعيدة عن الطبول والزموووور طول الليل بس عيبها فرش السرير مب نظيف لذاك الزود
الغرفة مافيها إضائة كبيرة بالليل تحس أنك مو مولع الانوار
حوضين السمك حلوين بس يباله شوي أهتمام هم محطين ماء + سمك فقط لازينه ولاحصى ولاشي ...... بس لو شي شويت زينه في الحوض وشوية حصى
..............خبال بيكون
الأمن فيه حلو وأعطيه 8 من 10 بس جدام الريسبيشن في مجموعة كراسي وخلف حوض السمك في مكاين قمار تحصل التايلانديات فلوسهم أطير شرق وغرب في المكاين

وأحس انه شوي أنظف وأرحم عن الفى سي اللى مقابلنه وعن الأصوات اللى تسمعهم في الممرات

ولازم تتنتبه حق الريموت لتلفاز لاتضيعه لأنك بتشربها وبتدفع باتتات قد شعر راسك

ولاتفكر تاخذ منهم سيارة سواء كانت لذهاب الى المطار أو الذهاب الى بانكوك صاحبكم كل المقلب منهم و خذيتها ب 1100 بات وكانت موديل 1900 وسواق ياخبيل وشارد من مستشفى المجانين يا محشش وهارب من الشرطة وتميت ادعى طوووووووول الدرب عشان بس أول فندق صحارى اللى في بانكوك صاحى وسالم ولا بعد لازم تعطيه بخشيش ولا بيودرك الا عقب ماتعطيه

أخر ليلة قابلت وحده من التايلنديات اللى يقعدن فى مقهى بو سعيد قالت لى الفندق مسكون وفى شياطين وكل التايلانديات يعرفون هالشي أنا
هني انتهيت لأنس سكنت فيه 20 يوم ماشفت في شي وبالليل والله اني ماياني رقااااااااااد لصبح

والسموووووووووووووحه منكم على الإطالة بس هذا اللي أذكره عن هذا الفندق الحين وحبيت أنبه الاخوان