مـنـتـدى الـعـرب الـمـسافـرون - عرض مشاركة واحدة

نابليونيه · 13-02-2008, 07:17 PM

السلام عليكم ورحمة الله وبركاته

بعد ما قريت ردودكم الحلوه على موضوعي وطلبكم تقرير عن الرحله قررت اني اكتب تقرير صغير عن الرحلة

كانت رحلتنا يوم 3 من فبراير على القطريه وكانت التذاكر ب 1400 للكبار و 1050 للصغار تقريبا

للأسف كانت اسوأ رحلة لي بالطياره وهذا بسبب المطبات الهوائيه واللي حسيت ان الطياره بتطيح منها بس المشكله ان مااحد حاس بالمطبات الا انا !! واللي ضحكني ان اول مااقلعت الطيارة بدووا المضيفين يقدمون الوجبات الا الكابتن يعلن بدأ الهبوط !! مسكينه المضيفه قامت توزع الوجبات بالأربع والا الخمس مره وحده !! رجعت بعد خمس دقايق الا هي تقول : Are you done? الله يرحم اخر رحله لمانشيستر قضينا فيها 8 ساعات !!

المهم وصلنا الكويت بحمد الله الساعه 3 العصر وكان الجو حليييو .. طحنا في موقف مو حلو .. احنا كنا رايحين جماعه مع بعض ولا حجزنا قبلها في فندق ويوم وصلنا لشقق سارة بلازا قال لنا ب60 دينار عاد احنا طمعنا وقلنا لااااا غالي وطلعنا ورحنا الفندق اللي بجنبه اسمه الفندق الدولي وقال لنا 35 دينار قلت حق زوجي الأثاث ما يشجع وبعدها رحنا للمارينا رويال ويوم شافنا ما شا الله واجد قال: ماتقعدون مع بعض لازم تاخذون شقتين المهم ان احتدينا وطالت السالفه قلت حق زوجي ناخذ وامرنا لله !!

اللي يشفع لشقق الرويال انها قريبه من المارينا مول وبعض المطاعم اللي قدامه وبقاله اللي يشتغل فيها نفسه خااااااااااااايسه من ندخل عنده ماسك التلفون ولا معطينا وجه

وهذي بعض المناظر من الشقه

وهذا المارينا مول

وهذي الابراج

بصراحه يا جماعه اعذروني على قلة الصور لأن تعرفون معضمها عائليه غير اني ماقدرت اصور احتراما لخصوصية الناس عامة

طبعا من اول يوم رحنا المارينا مول وتسوقنا فيه وتعشبنا ورجعنا الشقه يعني مافيه شي غريب او شي

اليوم الثاني :

طلعنا على المحلات اللي ورا المارينا مول بصراحه انا تعجبني المحلات الشعبيه الهادية ودرنا فيه شوي

طلعنا نتغدى في مطعم من اقتراحي على زوجي وحصلت مدح عليه

وهو :

فرييييييييييييييييييييييييييج صويلح !! بعض الصور

هذي سلطة فتوش !! شوفوا البريسنتيشن عجييييييييييييييب

وهذي شوربة دجاج بالذره يمممممممممممم يمممممممممممممممم

بصراحه عجبنا المطعم والحلو فيه كباين وخصوصيه والاكل رااااائع اول مره جربت الاكل الشامي وبالمره الثانيه تذكرت وحده بالمنتدى مااذكر مين بالضبط مدحت القبوط قلت اجربه والله طلع حلوو ( كنت مفكره القبوط نوع من انواع السمك )

رحنا بعدها الفنار وانصدمنا صدمة العمر !!!!!!!!!!!!!!!!!!!!!!!!!!!!

المحلات مسكره !!!! لييييييييييييييييييييييييييييشششششششششششششش؟

والله انصدمنا احنا بقطر المحلات اللي بالمجمعات ماتسكر ليل ونهار اي وقت الواحد متملل يروح المجمع يلقاه فاتح !! المهم درت شوي على المحلات من برا وتضايقت وطلعت

قلنا وين نروح بهالحزه ؟؟؟ مافيه الا الابراج طبعا اخترب الجدول كله !!

ركبنا تاكسي وقلنا ياللا على الابراج

يوم وصلنا عطونا تذكره ومعاها مشروب او وجبه خفيفه من الابراج مجانا !!

بصراحه لما الواحد يفكر هالابراج من كم سنه مبنيه يتعجب صراحه عمررررااااان وتحفه وبصراحه جمييييييييييل ركبنا وشفنا صور التخريب ايام الغزو بصراحه تذكرت الايام هذي وقلبت الصور المواجع
ركينا للمطعم وشريت تحف تذكاريه واخذت بعض الصور بس للأسف فيديو وماقدرت احمل الصور على المنتدى فاسمحوا لي

بعدها رحنا سوق شرق والله حلو وقعدنا فيه الين العشاء تعشينا وطلعنا والاطفال لعبوا الين مااشبعوا
اليوم الثالث

بعد ماتخربط الجدول قررنا ان نروح المركز العلمي

مركز راااااااائع بمعنى الكلمه بس تذاكره شوي غاليه يعني احنا اربعه طفلين واب وام ودخلنا بس الاكتشاف والاكواريوم ب 14 دينار غاااااااالي صراحه

بس يستاهل وحتى فكرت ان اخذ بنات من المدرسه ونسوي لهم رحله للمركز بصراحه راااااائع

دخلنا الاكواريوم وكان محيط زوجي اللي ذااااااااااب فيه انجن على الهوامير وانبهر بكل انواع السمك اللي هناك وفاجئتنا هذي السيدة

انبهروا فيها اطفالي الا يدخلوون عندها !!! بصراحه كان الاكواريوم روعه بس اللي ضايقني فيه موقف شفناه

كان فيه مدرسه لذوي الاحتياجات الخاصه يعني مساكين اطفال مرضى ومايشوفون وكذا والمدرسات مافيه الا صراخ عليهم وشد فيهم انا بصراحه لو شفت هالشي بقطر والله مااخليها بس قلت بخاطري يا غريب كن اديب

طلعنا من المركز ورحنا نتغدى ( مااذكر وين بالضبط )
ورحنا بعدها الافنيوز يعني اللي عجبني فيه التنزيلات والا الماركات كلها موجوده عندنا بس فيه شي دووووووووخني محل شوكلت بار امممممممممممممممممممممممم ترجيت اللي يشتغل هناك يكلم المدير يفتح فرع بقطر !!! وعجبني محل الاطفال Baroue اظن اسمه كذا رووووعه الاطفال يلعبون والواحد يتسوق على راحته .................

اليوم الرابع :
مجمع العربيد طحححت على جلابيات من كثر ماعجبوني طلعت ماخذيت الا وحده !
وبعدها طلعت لمجمع دسمان ( الله يوفق اللي قالوا لي عن هالمجمعين وين ماكانوا ) بس طبعا اختنقنا من الريحه ياجماااعه سووا لكم حل مع المجاري الله يخليكم

بعدها رجعنا مره ثانيه للسالميه وماخليت بخاطري رحت للشارع اللي ورا المارينا مول وفريج صويلح

عجبنا الدييكور
اليوم الخامس:
بعد ما تسوقنا شوي بالمارينا مول رحنا للأهل بفحيحيل وقضينا اليوم كله هناك لحد الساعه 12 ونص

اليوم السادس :
يوم الرجوع بعد ماسوينا التيشك اوت من الشقه رحنا المارينا مول ( وقت صلاة بس كان ملياااان ؟؟؟)) بعد ماتغدينا سلمت على الشوكليت بار لآخر مره واحتفلت بتشوكليت فوندو و مولتن بالحليب بس كانت حااااااااااليه موووت ماعجبتني بس كلييييتها

في طريقنا للمطار مرينا على سوق الخميس والجمعه لان زوجي يبي خيام ومرينا مرور بالسيارة ولكم هذي الصوره من السياره

غادرنا الكويت وانا كلي شوق لزيارتها مره ثانيه

اسمحول لي على القصور وبصراحه اكتب بعجله بس علشانكم والا كان مانزلت التقرير

اشكر كل من ساهم وشاركتني بمواضيعي وعساكم على القوه

__________________

البحث عن مواضيع لنفس العضو

13-02-2008, 07:17 PM	#1 (permalink)
نابليونيه مسافر متميز تاريخ التسجيل: Jun 2006 رقم العضوية :83550 المشاركات: 257	الكويت... حلمي القديم يتحقق السلام عليكم ورحمة الله وبركاته بعد ما قريت ردودكم الحلوه على موضوعي وطلبكم تقرير عن الرحله قررت اني اكتب تقرير صغير عن الرحلة كانت رحلتنا يوم 3 من فبراير على القطريه وكانت التذاكر ب 1400 للكبار و 1050 للصغار تقريبا للأسف كانت اسوأ رحلة لي بالطياره وهذا بسبب المطبات الهوائيه واللي حسيت ان الطياره بتطيح منها بس المشكله ان مااحد حاس بالمطبات الا انا !! واللي ضحكني ان اول مااقلعت الطيارة بدووا المضيفين يقدمون الوجبات الا الكابتن يعلن بدأ الهبوط !! مسكينه المضيفه قامت توزع الوجبات بالأربع والا الخمس مره وحده !! رجعت بعد خمس دقايق الا هي تقول : Are you done? الله يرحم اخر رحله لمانشيستر قضينا فيها 8 ساعات !! المهم وصلنا الكويت بحمد الله الساعه 3 العصر وكان الجو حليييو .. طحنا في موقف مو حلو .. احنا كنا رايحين جماعه مع بعض ولا حجزنا قبلها في فندق ويوم وصلنا لشقق سارة بلازا قال لنا ب60 دينار عاد احنا طمعنا وقلنا لااااا غالي وطلعنا ورحنا الفندق اللي بجنبه اسمه الفندق الدولي وقال لنا 35 دينار قلت حق زوجي الأثاث ما يشجع وبعدها رحنا للمارينا رويال ويوم شافنا ما شا الله واجد قال: ماتقعدون مع بعض لازم تاخذون شقتين المهم ان احتدينا وطالت السالفه قلت حق زوجي ناخذ وامرنا لله !! اللي يشفع لشقق الرويال انها قريبه من المارينا مول وبعض المطاعم اللي قدامه وبقاله اللي يشتغل فيها نفسه خااااااااااااايسه من ندخل عنده ماسك التلفون ولا معطينا وجه وهذي بعض المناظر من الشقه وهذا المارينا مول وهذي الابراج بصراحه يا جماعه اعذروني على قلة الصور لأن تعرفون معضمها عائليه غير اني ماقدرت اصور احتراما لخصوصية الناس عامة طبعا من اول يوم رحنا المارينا مول وتسوقنا فيه وتعشبنا ورجعنا الشقه يعني مافيه شي غريب او شي اليوم الثاني : طلعنا على المحلات اللي ورا المارينا مول بصراحه انا تعجبني المحلات الشعبيه الهادية ودرنا فيه شوي طلعنا نتغدى في مطعم من اقتراحي على زوجي وحصلت مدح عليه وهو : فرييييييييييييييييييييييييييج صويلح !! بعض الصور هذي سلطة فتوش !! شوفوا البريسنتيشن عجييييييييييييييب وهذي شوربة دجاج بالذره يمممممممممممم يمممممممممممممممم بصراحه عجبنا المطعم والحلو فيه كباين وخصوصيه والاكل رااااائع اول مره جربت الاكل الشامي وبالمره الثانيه تذكرت وحده بالمنتدى مااذكر مين بالضبط مدحت القبوط قلت اجربه والله طلع حلوو ( كنت مفكره القبوط نوع من انواع السمك ) رحنا بعدها الفنار وانصدمنا صدمة العمر !!!!!!!!!!!!!!!!!!!!!!!!!!!! المحلات مسكره !!!! لييييييييييييييييييييييييييييشششششششششششششش؟ والله انصدمنا احنا بقطر المحلات اللي بالمجمعات ماتسكر ليل ونهار اي وقت الواحد متملل يروح المجمع يلقاه فاتح !! المهم درت شوي على المحلات من برا وتضايقت وطلعت قلنا وين نروح بهالحزه ؟؟؟ مافيه الا الابراج طبعا اخترب الجدول كله !! ركبنا تاكسي وقلنا ياللا على الابراج يوم وصلنا عطونا تذكره ومعاها مشروب او وجبه خفيفه من الابراج مجانا !! بصراحه لما الواحد يفكر هالابراج من كم سنه مبنيه يتعجب صراحه عمررررااااان وتحفه وبصراحه جمييييييييييل ركبنا وشفنا صور التخريب ايام الغزو بصراحه تذكرت الايام هذي وقلبت الصور المواجع ركينا للمطعم وشريت تحف تذكاريه واخذت بعض الصور بس للأسف فيديو وماقدرت احمل الصور على المنتدى فاسمحوا لي بعدها رحنا سوق شرق والله حلو وقعدنا فيه الين العشاء تعشينا وطلعنا والاطفال لعبوا الين مااشبعوا اليوم الثالث بعد ماتخربط الجدول قررنا ان نروح المركز العلمي مركز راااااااائع بمعنى الكلمه بس تذاكره شوي غاليه يعني احنا اربعه طفلين واب وام ودخلنا بس الاكتشاف والاكواريوم ب 14 دينار غاااااااالي صراحه بس يستاهل وحتى فكرت ان اخذ بنات من المدرسه ونسوي لهم رحله للمركز بصراحه راااااائع دخلنا الاكواريوم وكان محيط زوجي اللي ذااااااااااب فيه انجن على الهوامير وانبهر بكل انواع السمك اللي هناك وفاجئتنا هذي السيدة انبهروا فيها اطفالي الا يدخلوون عندها !!! بصراحه كان الاكواريوم روعه بس اللي ضايقني فيه موقف شفناه كان فيه مدرسه لذوي الاحتياجات الخاصه يعني مساكين اطفال مرضى ومايشوفون وكذا والمدرسات مافيه الا صراخ عليهم وشد فيهم انا بصراحه لو شفت هالشي بقطر والله مااخليها بس قلت بخاطري يا غريب كن اديب طلعنا من المركز ورحنا نتغدى ( مااذكر وين بالضبط ) ورحنا بعدها الافنيوز يعني اللي عجبني فيه التنزيلات والا الماركات كلها موجوده عندنا بس فيه شي دووووووووخني محل شوكلت بار امممممممممممممممممممممممم ترجيت اللي يشتغل هناك يكلم المدير يفتح فرع بقطر !!! وعجبني محل الاطفال Baroue اظن اسمه كذا رووووعه الاطفال يلعبون والواحد يتسوق على راحته ................. اليوم الرابع : مجمع العربيد طحححت على جلابيات من كثر ماعجبوني طلعت ماخذيت الا وحده ! وبعدها طلعت لمجمع دسمان ( الله يوفق اللي قالوا لي عن هالمجمعين وين ماكانوا ) بس طبعا اختنقنا من الريحه ياجماااعه سووا لكم حل مع المجاري الله يخليكم بعدها رجعنا مره ثانيه للسالميه وماخليت بخاطري رحت للشارع اللي ورا المارينا مول وفريج صويلح عجبنا الدييكور اليوم الخامس: بعد ما تسوقنا شوي بالمارينا مول رحنا للأهل بفحيحيل وقضينا اليوم كله هناك لحد الساعه 12 ونص اليوم السادس : يوم الرجوع بعد ماسوينا التيشك اوت من الشقه رحنا المارينا مول ( وقت صلاة بس كان ملياااان ؟؟؟)) بعد ماتغدينا سلمت على الشوكليت بار لآخر مره واحتفلت بتشوكليت فوندو و مولتن بالحليب بس كانت حااااااااااليه موووت ماعجبتني بس كلييييتها في طريقنا للمطار مرينا على سوق الخميس والجمعه لان زوجي يبي خيام ومرينا مرور بالسيارة ولكم هذي الصوره من السياره غادرنا الكويت وانا كلي شوق لزيارتها مره ثانيه اسمحول لي على القصور وبصراحه اكتب بعجله بس علشانكم والا كان مانزلت التقرير اشكر كل من ساهم وشاركتني بمواضيعي وعساكم على القوه __________________ البحث عن مواضيع لنفس العضو التوقيع : أيام الطفولة في حديقة حيوان الدوحة الكويت حلمي القديم يتحقق لمشاهدة صور من رحلاتي اضغط هنا