بسم الله الرحمن الرحيمـ
السلام عليكم ورحمة الله وبركاته ,,

.
.



اخيرا وبعد مازالت الظروف ولله الحمد كتبت التقرير و ان شاء الله بيعجبكمـ ,,

.
.

اليوم الاول

وصلنا لفوكيت بعد رحلة ممتعة على الطيران التايلندي تقريبا ساعة ونصف
واخذنا حقائبنا من المطار وكان المطار صغير بس حلو و استقبلنا شخص من مكتب المهاجرون هناك و اوصلنا للسيارة و كانت باص جميل للغاية مع سواق دلخ
كنت انا و ابو سلطان نسولف معه بالعربي وهو بس يضحك خخخخ نقول مثلا انقلع يضحك نقوله كيف الحا بس يضحك , تكلمنا معه بالانجليزي برضه يضحك ..























مرينا ع الطريق المرشد السياحي ( موا ) دب و رهيب مره و نااااعم
يتكلم انجليزي بطلاقة و بصراحه ريحنا و تعرفنا عليه و تعرف علينا و الحمد لله ان مكتب المهاجرون معطينه خبر انه يهتم فينا و يودينا لكل شيء من طقطق إلى سلامو عليكوووم

المهم قال بوديكمـ فندق حلو والله نسيت اسمه !! وصلنا للفندق بصراحه حلو
بس مشكلته انه صغير ولا يطل على المسبح – لأن المسبح يقع في وسط الفندق –
وقلنا لـ ( موا ) نبغى غيره ووافق و طلعنا نشوف فندق آخـر ,,
كانت شوارع فوكيت حلوه مره و التقطنا كم صوره و احنا بالطريق .
















وصلنا لفندق ( رويال بردايس ) بكل أمانة فندق روووعة و اعجبنا و عطونا سعر مرتفع الا وهو ( 3500 بات ) و قلنا لهم بنقعد اسبوع بكمـ و تفاوضنا معهم بالآخير نزلوا لنا 1000 بات ووافقنا , غرفتنا كانت مطلة على المسبح وكانت ناااااايس بالمررره ,, ,,

بعدها قلت لـ ابو سلطان روح خذ الشناط مع العامل و روح ارتاح بالغرفة و انا بكون مع ( موا ) قال اوكي حبيبي ابو سلطان ,,

قعدت مع ( موا ) في اللبي عشان نتفاهم انا وياه على الرحلات السياحية و اي شيء ابغى استفسر عنه والله ماقصر معاي و عطاني فكرة مره حلوه عن فوكيت و من هالكلام
وبعدين بدينا نتفاهم على الرحلات السياحية كل يوم وين بنروح فيه واتفقنا اول شيء على انه بكره نروح لجزيرة ( بي بي ايلاند ) و راح ( موا ) و اتفقنا يكون بينا اتصال .

ابو سلطان راح يصرف فلوس و انا انتظره في الغرفة و كنت ارتب ملابسي و اراجع الامور والترتيبات ,,

ابو سلطان رجع و معه الفلوس بس كان وجهه يخوف دار هذا الحوار بينا :

ابو نورة : صرفت الفلوس ؟
ابو سلطان : تنهيده , ايه صرفت .
ابو نورة : طيب عسى ماشر وشفيك كذا مرتاع ؟
ابو سلطان : ياخي الطريق اللي رحت معه يخوف !!
ابو نورة وهو خايف : ليـه وش صار ؟!
ابو سلطان : ماصار شيء بس ..
ابو نورة : بس وشو يااااااخي ؟!
ابو سلطان : طيب اصبر وشفيك مستعجل خلني اخذ نفس
ابو نورة : يخوي هذا مو وقته تكفى قلي وش السالفة ؟!
ابو سلطان : فيه كم واحد يناظر فيني و انا اصرف و اشكالهم تخوف مره !!
ابو نورة : يعني الطريق اللي رحت معه مافيه الا هم او كيف ؟!
ابو سلطان : لااا فيه ناس كثير بس انا خفت !!
ابو نورة : يـاخي حرام عليك احسب فيه شيء او احد تعرضلك !!
ابو سلطان : لا محد قالي شيء بس الطريق يخوف !
ابو نورة : يارجال ماعليك الديرة على كلامهم امان ولا تخاف
ابو سلطان : الله يكتب اللي فيه خير !!



































المهم اخذنا شور و لبسنا و طلعنا في الليل , طبعا كنا تعبانين مرررره
مرينا من عند الطريق اللي يقول عنه ابو سلطان (( اللي يخوف )) وبعدها طبعا نمر على شارع (( البنقلا رود )) اكيد الكل يعرفه , و صار هالحوار :

ابو نورة : وين الطريق اللي تقول عنه ؟!
ابو سلطان : اللي قبل شوي ورانا عند الفندق
ابونورة يلتفت ورى ويناظر : هذاك اللي هناك !!
ابو سلطان : ايه هناك
ابو نورة : من جدكـ تتكلمـ ؟!
ابو سلطان : اي والله
ابو نورة : ياشيخ وخر عني بس بالله هذا يخوف !!
ابو سلطان : ياخي كان فيه كم واحد يروعون
ابو نورة : يعني عشان كم واحد خلااااص صار الوضع يخوف !
ابو سلطان : ايه ياخي حنا برى السعودية
ابو نورة : اقول انطم بس
ابو سلطان : انطم انت يادووووب

المهم مشينا كثير و احنا ندور على مطعم عربي نبغى نتعشى وبعدها شيشة
طبعا كنا سائلين عن هالمطاعم و علمونا وينها فيه ..
















تعبت انا و ابو سلطان و قلت لأبو سطان خلنا ناخذ ( توك توك ) قال اوكي
وصلنا عند واحد من هالتايلنديين و قلنا له مطعم عربي قال اوكي و يا الله اركبوا
طبعا لأول مره في حياتنا نركبه و كنا مبسوطين ع الآخـر ,,

المهم ماكملنا دقيقة و نص الا وحنا واصلين انا انقهرت لأنه استغلنا الحقير
نزلنا وصار هالحوار :

ابو نورة : كم يا الحبيب ؟!
الحقير : 100 بات !!
ابو نورة منقهر ويقول : ويييييين .. NO NO
الحقير ينزل من سيارته وينفخ علي بكل قوة و يقول بالانجليزي : بتعطيني ولا لا ؟!
ابو نورة خاف ويقول : كثير مررره
الحقير : موب مشكلتي وبتعطيني الفلوس غصب !!
ابو نورة مقهور ويناظر بنت تايلندية بالمطعم تأشر بيدها وتقول عطه الفلوس
ابو نورة يطلع الفلوس وهو مغبون ويقول في نفسه : الله لايوفقك ياكلب !!
واعطيه الفلوس وياخذها مني بقوة و يتكلم تايلندي مدري وش يقول بس اكيد انه يسبني الحقير !!

طبعا المطعم هو ( مطعم الشرق ) بصراحه هالمطعم حبيته انا و ابو سلطان
اكلهم مره روووعة و عندهم شيشة بعد ,, ..
العمال حقين الشيشة والله انهم مصرقعين و مهبل مصريين بطعا ,,

طلبنا الآكل وقعدت معنا البنت التايلندية وقالت لنا :

ان هالتايلنديين اللي معهم ( توك توك ) اغلبهم يشتغلون مثل العصابات !!
وسئلتنا و قالت انتم اتفقتوا معهم على سعر قلنا لا .. قالت هذا غلطكم لأنه مهما كان المشوار وطلب اي مبلغ بدون مفاوضة لازم تعطيه , فأنتبهوا منهم ولا تركبون الا وانتم متفقين معهم , وهدتنا و قالت ترى الوضع امان ولا عليك من هالتايلندي الحقير .

انا بكل امانة لازال الخوف فيني و ضاق صدري من هالموقف  ..
المهم كان طلبنا عبارة عن صحن رز باللحم و حمص و سلطة وبيبسي 
وكاااان لذيذ و شغلهم نظيف للامانة .

بعدها شيشنا شيشة ولا احلى خخخخخخ و سوالف مع المصريين و ضحك ووناسه
وطلعنا من المطعم تقريبا على الساعه 12 بالليل و رجعنا للفندق ونوووم لأنه من بكره
عندنا رحلة لـ ( بي بي ايلاند ) .

وش تتوقعون بكره وش بيصير .. ؟!

__________________

البحث عن مواضيع لنفس العضو