الموضوع
:
...::| باريس .. عشقتك قبل ما شوفك .. وشفتك صرت كلي حلمــ |::...
عرض مشاركة واحدة
06-01-2008, 02:34 PM
#
1
(
permalink
)
المايسترو
مشرف سابق
تاريخ التسجيل: Jul 2003
المكان: ــــ الريــاض ــــ
مشاركات: 2,976
...::| باريس .. عشقتك قبل ما شوفك .. وشفتك صرت كلي حلمــ |::...
::
::
::
::
ملاحظه .. ترى الموضوع طوووويل ... وراك شي .. رح وتعال ... ابيك معي هنا بكل احاسيسك .. وبمزاااااجك ... يالله !! ... هيا بنا ....
مساااااااااااااء الخير لكل الأحبابــ
..
مسااااااااااااء الورد لكل الأصحابــ
...
مساااااااااااء ما يليق إلا بأحبابي ... انت .. وأنتي ...
كيفكم يا حلوين .. وش مسوين ... ان شاء الله بخير وعااااااافيه ...
اليوم ان شاء الله ... راح نكمل مع بعض باقي سلسله رحلتي لصيف عام 2007 ....
تكلمنا قبل فتره عن أول محطات السفر ... وكانت محبوبتي لندن
...
اليوم بعون الله ... راح نتكلم ... عن المحطه الثانيه ... وهي ....
.........
.....
.....
باريس
.....
.....
.......
اول شي .. قبل ما ادخل في اول حلقات باريس ... كنت قبل كم يوم جالس ارتب الصور الخاصه فيها ... المهم توقعت اصلا انها في أي حال من الاحوال .. ما راح يتعدى عددها الصور اللي صورتها في لندن
...
المهم يوم جبت اللابتوب .. واشوف الصور ... الا عددها تقريبا 720 صوره
....
ياااااااااهو يا كاميرا وش قصتك معي انتي
... شكلك جالسه تكررين الصور
... قالت لا والله لا تظلمني
... انت اللي مير تضغط فيني من سافرنا لين رجعنا
<<<
انفصام يؤدي الى محادثه الجوامد
....
المهم جلست اشوف الصور الا والله واااااااجده ... قلت امممممممم ... لالالا .. مو قلت امممممم
.. اقصد سويت امممممممم
.... المهم .. فرزتها وصلحتها ...
وعلى فكره ... ديزني لاند ... تقريبا لها النصيب الأكبر
... يعني راح نفلها مع بعض في حلقات ديزني ... ...
طيب ... وش رايك نبدا في أول الحلقه ...
كل اموركم جاهزه !! ... الببسي البااااااارد جاهز !! ... مفرحاتك يمك !! ... جوالك مسكره !! ...
يا لبى قليبك
...
هيا بنا ....
بعد ما جلست تقريبا 6 ايام راااااائعه في لندن ... جا موعد سفري لباريس ... كان السفر .. يوم الاربعاء ... (
يعني ليله خميس
) ... طبعا اخترت اني اسافر عن طريق القطار اللي يربط بين باريس ولندن ... وهو اني حجزت من سلسله قطارات ...
.......
Eurostar .......
هذه شركه قطارات دوليه ... لهذا اكثر من وجهه واكثر من محطه ... من المحطات اللي تربطها ... هو الربط بين بريطانيا وبين فرنسا ... او بالاصح ... بين لندن وباريس ...
طبعا انا يومني في لندن ... قد دخلت موقع الشركه اللي هو ...
هنــــا
....
ابد اول ما دخلت الموقع ... لقيته سهل جدا .. فيه انك تقدر تحدد وجهتك وتحجز وتدفع عن طريق البطاقه .. وصلى الله وبارك ... شوف معي ياحلو ...
ابد .. هنا تدخل كل المعلومات .. وهو بيطلع لك كل اللي تبي ... واخر شي بيكون معك مثل هالتذكره ...
بعدها طلعت من فندقي في لندن .. ورحت على طوووول للمحطه اللي بطلع منها لباريس ..
وهذه صوره المحطه من فوق ...
وصلت الى المحطه بوقت كافي جدا ... قبل رحلتي .. تقريبا جيت قبل الرحله ساعه ونص
.. من الحرص الزايد
...
بعد ما قربت ساعه تحرك القطار ... رحت اشوف المسار اللي مخصص لنا عشان نركب القطار ... وعشان يشيكون على الجواز ... والامور هذه ...
المهم صار لي موقف هناك
... كنت بروح في خبر كااااانا واخواتها وجيرانهم بعد
...
بعد ما دخلت شنطتي في ذاك اللي يفحص الشنط ... ذاااااااك ذااااااااك اللي يدخلون فيه الشنطه ويفحصونها
.... عرفتها !!
... ايوووووووووه يا عيني عليك
....
المهم بعد ما دخلو الشنطه ... وطلعت من الجهه الثانيه ... باقي مرحله انهم يشوفون جوازي ... وان المملوح اللي قدامهم هو نفسه اللي في الجواز
...
اللي صار لي ... ان البنت اللي تشيك على الجواز .. كانت مثل ما تقولون في غرفه .. وتستقبل المسافرين من شباك قزاز .. المهم هي وش تسوي .. تاخذ جوازك .. تشوف خشتك ... تشوف فيزتك ... درررررررردوووووب .... (
دردوب هذا صوت الختم لما تختم لك
) ...
المهم .. اني عطيتها جوازي ... قالت شل النظاره
... قلت يووووووووه بدينا بالغزل
... عاد فرنسيين عرقهم شسمه
... المهم اني شلت النظاره ... وبعد ما شافتني ... نزلت راسها
... يوم نزلت راسها ... انا مشيت
... والله مشيت
...
قالت تعااااااااااال ... تعاااااااااال
... جوازك ما خذيته
...
مدري من جد وش جاني وقتها
... ما احب احد يطالع عيوني
<<<
بشويش يا توم كروز
...
المهم شكو فيني ... وخافو
... يقولون وش هاللي مخترش ... وتجلس تسأل كم سؤال بعد ...
وينك منه ! ... من خوالك !
.. وش ترجعون له
... منكم ماخذين منه !!
....
هههههههههههههههــ ... لالالا امزح
... بس جلست تسأل وين راح تسكن .. وليش مسافر ... مع انها ما سألتني اول ما وقفت منها ...
المهم بعد ما تعديت هالموقف .. رحت وركبت القطاااااااااار .. وبدءت الرحله ...
جلست في مكاني في القطار ... اول ما جلست مبسوووووط ما احد جنبي
.. وبدا شغل الوسوسه
.. كل ما دخل احد وجا يمشي .. اجلس اقول .. تتوقع يا بندر هذا اللي بيجلس جنبك
... اذا تعداني .. قلت شفت انك ما عندك سالفه
....
>>>
قايل لكم انفصام
...
بعد ما جلست .. وريحت ... تحرك القطار في الموعد المحدد له ... جلست تقريبا ربع ساعه ... بس عشان اخذ على المكان على قولتهم ... بعدها قربت شنطتي الصغيره .. بطلع بعض الاغراض منها .. عشان اراجعها لين نوصل ...
مثل ما انت شايف في الصوره فوق ... جدول الرحله – الام بي ثري – حجزي في فندق باريس- تقارير رحلات سابقه جالس استفيد منها ...
وهذه صوره من الطريق ... كان روعه صراحه ...
وانا جالس اشوف الاوراق .. كنت اسمع بعض الميوزك ...
لا اتعذر باحتياجك .. كلنا ناقص حنان ...
كلنا طفل يتمنى أي شخص يحضنه ...
نبني الدنيا وحنـا ,, ونوقف في نفس المكان ...
للاسف ينقص وفانا .. مع مرور الازمنه ...
وطبعا كانت عين على باريس .. وعين على الرياض
...
صراحه مشى الوقت سرررريع في القطار ... حتى وصلت الى باريس ... بعد ما وصلت وكيذا .. وقفت اقرب تاكسي ... وعطيته عنوان الفندق ... قلت يالله يابو ... تحرك الله لا يهينك
...
خلوني اتكلم شوي عن الفندق اللي اخذته في باريس ...
قبل ما اجهز للرحله بشكل عام ... احترت كثيرررر في اختياري للفندق المناسب في باريس ... جلست ابحث واسأل عن فندق مناسب .. لييييين اخترت هالفندق ...
بوص معاااااااايا ...
الفندق اسمه ...
Renaissance Paris Hotel La Defence
من سلسله فنادق الماريوت ... وهو اربع نجوم ... وموقعهم على النت ...
هنا
...
وهذه خريطه لموقع الفندق ...
شفت اللي يأشر هنااااااك .. ايوه .. هذا مكان الفندق
الفندق هذا حجزته عن طريق موقع اكسبيديا ...
حجز الفندق من هالموقع ... ودفعت الفلوس وكل ابو شي ... الفندق طلع علي الظاهر بـ 600 ريال الليله .. كان فيه عرض .. وانا استغليت العرض هذا ... الغرفه اصلا حول بـ 900 ريال .. بس كان في عرض في موقع اسكبيديا .. وهو انهم يعطونك خصم حلو كثير .. بس انك اذا دفعت فلوس .. ما ترجع ولا ريال اذا هونت
... بعكس لو حجزت أي فندق عادي .. وهونت قبل قدومك للفندق ب 24 ساعه ... يرجعون لك فلوسك ...
قلت يااااااااااااالله بس .. احجز وتوكل على الله
...
يوم جيت احجز بالموقع ... جاست اتشرط عليهم
... قلت اول شي ابي غرفه في اعلى دور عندكم ... احب الاماكن المرتفعه
... وابيها تطل على مناظرن زينه
... بعد خيررررررررر فلوسي
.. بتشرط على كيفي (
فيس حاط يده على خصره ومميل راسه شوي يمين
) ...
المهم ... بعد ما حاس راسي راعي التاكسي من اللفلفه :si3: ... والدوجان :si3: ... وصلنا للفندق .. هذه صوره من برى ...
وهذه صوره ثانيه ...
اول ما وصلت ... وحاسبت التاكسي وكيذا .. وادخل واروح للريسبشنه
... اول ما شافتني .. قالت بنصوااااااا
... قلت بنصوارين .
...
بعدين قالت : بنجوغ بوناغ تولي بورا جينا ري بنجوغ بوناغ تولي بورا
... قلت هييييييييييه هيييييييييييه
... خير ان شاء الله .. تكلمي انجليزي
... ما اعرف فرنسي .. قالت اوووووه سوري
... وتقلب على الموجه الانجليزيه
...
ايه صدق ... يوم جلست تبربر فرنسي .. يوم قالت ... بنجوغ بوناغ تولي بورا جينا ري بنجوغ بوناغ تولي بورا ... قلت الحين تبي تقول بنجوغ بوناغ تولي كنج عبدالعزيز
.. تذكرت الاخبار الفرنسيه في القناه الثانيه .. ما نفهم الا اسماء طويلين العمر
...
المهم ان امور حجزي كانت اوكي .. اوراقي جاهزه عندهم .. واسمي وكل ابو شي ... عطتني كرت باب الغرفه .. وقلت اللي يشيل الشناط مشغول الحين .. انت رح ... وبخليه يجيبها ... قلت الله مير يسلمتس ما تقصرين والله
...
وهذه صوره للوبي اخذتها وانا على عوجاله ...
واخذ لابتوبي واروح للاصنصير ... هنا صاااااااار لي موقف ... جلست اضحك ولا عشر دقايق
... اللي صار اني ضغطت على زر المصعد عشان ينفتح .. اوكي ... يوم فتح الباب وكيذا ... ركبت جوا لحالي
.. واضغط على رقم 7 ... وهو الدور اللي انا ساكن فيه ... وجالس انتظر يعني عشان
المصعد
يرقى فوق .. واجلس انتظر .. انتظر
.. انتظر ... انتظر .. انتظر
... لحووووووول لين الحين ما وصلنا
...
يتبعـ
المايسترو
استعراض الملف الشخصي
زيارة الموقع المفضل لـ المايسترو
بحث عن مواضيع أكثر لـ المايسترو
06-01-2008, 02:34 PM
...::| باريس .. عشقتك قبل ما شوفك .. وشفتك صرت كلي حلمــ |::...
