|
مسافر خبير
تاريخ التسجيل: Jul 2007
الدولة: الغالية الكويت
رقم العضوية :149034
المشاركات: 1,668
|
اقتباس:
المشاركة الأصلية كتبت بواسطة sall_ss
السلام عليكم ورحمة الله وبركاته
استمتعت معك كثير في كوريا وانا قاعد على الكمبيوتر
فقررت وبسببك انت ان اذهب اليها في الاجازة الصيفية
انا وزوجتي ورضيع
هذا بعض الاسئلة
وجاي الكثير من الاسئلة
بنتعبك معنا
الله يوفقك ويوفق الجميع
|
وعليكم السلام ورحمة الله وبركاتة اخوي sall_ss وراح ارد علي استفساراتك ان شاء الله
 مع انك مسوي زحمة بالاسألة ,,, على اي حال حياك الله اخ وعزيز 
وبالنسبة لكوريا الجنوبية كما ذكرت سابقا بانها دولة نظيفة لابعد الحدود وتمتاز بالامان
والله يوفقك ان شاء الله برحلتك ,,,, ويمكن اسبقك اليها اذا انت بتروح بالصيف
يمكن اروح لها شهر 5 ( مايو ) فى زيارة عائلية ايضا
على العموم نقدر نبلش بالاسألة ((( الله يعينا )))
اقتباس:
المشاركة الأصلية كتبت بواسطة sall_ss
1- كم تتوقع تكفيها الدير من يوم ؟--------------- لاني ناوي اقعد اقل شي اسبوعين
|
المصروف اليومي يعتمد على حسب الشخص نفسة والاكل والشرب لاتشيل هم
يعني بالنسبة للمطاعم الامريكية سعرها مقارب لاسعارنا بس بيتزا هت غالي شوي
يعني الفرق تقدر تقول 4 دنانير كويتي (( 50 ريال سعودي )) زيادة عن اسعارنا هذا بس للبيتزا
وفي عندهم مطاعمهم الشعبية وهي رخيصة جدا
ويعتمد مصروفك اليومي علي المدن التي تود الذهاب اليها,,,,,,, وعلى سوالف كثيرة
باختصار اقدر اقول لك ان مصروفكم كعائلة باليوم بدون سعر الفندق وبدون السوق
تقريبا 30 دينار كويتي (( 400 ريال سعودي )) 100 دولار امريكي
والمبلغ هذا انا زايدة شوي سبحان الله تحتاج شى الا يكون معاك زيادة 
وبالنسبة للناس الذين يبالغون بغلاء الاسعار لدولة كوريا الجنوبية ,,,, اقول لك ان هذا الكلام غير صحيح
لان هؤلاء يقارنون هذا البلد ببلدان فقيرة في شرق آسيا فهذا شئ طبيعي انها تكون غالية
يعني عندنا بالوطن العربي المعيشة تختلف من بلد لآخر من حيث السكن والاكل والشرب والتاكسي....الخ
اقتباس:
المشاركة الأصلية كتبت بواسطة sall_ss
2- المدن التي تستحق الزيارة في كوريا؟ ---------- نظامي في السفر اني اخلي اخر شي العاصمة حتى اقدر اتقضى منها ولا انغث بالشيل والحط
3- الاماكن التي تستحق الزيارة ؟
|
راح اعطيك خطة حلوة لان في جزيرة كنت بروح لها بس الله ما كتب لنا زيارتها وهي جزيرة جيجو
ويوجد فيها فعاليات كثيرة للسياح اذا بتقعد اسبوعين خلي الرحلة كالاتي:
يوم : التجول في أسواق سيؤل ( ميونغ دونغ, مجمع كويكس ,مجمع سامسونغ, مجمع هيونداي )
( سوق نام دا مون ,مجمع دونغ ديمون ,سوق ايتاوا )
يوم : لزيارة المدينة الترفيهية أيفر لاند
يوم : لزيارة عالم لوتي (مدينة ترفيهية و مجمع تسوق)
وكم يوم : لزيارة جزيرة جيجو والتي يوجد فيها منتجعات وفعاليات جميلة
وفي اماكن كثيرة تستحق الزيارة تقدر ترتب فيها رحلتك ومنها:
( حديقة نامسان ,حديقة نهر الهان ,قصر شانج ديكجونج ,قصر ديكسوجونغ ,برج سيؤول ,سيؤول لاند )
( كاريببين باي ,قلعة سوون هواسنغ ,قلعة نام هانسان مونتاين )
هذى بعض المتاحف والاسواق والحدائق ايضا مو شرط تزورهم كلهم 
لاتطلع برة سيؤول الا اذا بتروح جزيرة جيجو لان كل شئ تبية موجود بالعاصمة من سوق واماكن سياحية
وحدائق ومتاحف واغلب الاماكن التي تحدثت عنها تحتاج على الاقل ساعة الى ساعة ونص تقريبا
وبعدين لازم تكون عندك فكرة عن الاندر جراوند والباصات وان شاء الله انى افيدك بتقريري
اقتباس:
المشاركة الأصلية كتبت بواسطة sall_ss
4- ماهي ارخص خطوط تتوجه الى كوريا
|
اذا تبي ارخص طيران فهو الخليجية بس الترانزيت راح يكون واجد عليك وسعرها للشخص تقريبا
200 دينار كويتي (( 2600 ريال سعودي )) 720 دولار امريكي.
بس انصحك بالخطوط الجوية الاماراتية
اقتباس:
المشاركة الأصلية كتبت بواسطة sall_ss
5- افضل وانسب سعر فنادق ومنتجعات في كوريا؟
|
توجد فنادق كثيرة تقدر تحدد الفندق الذي تريدة من خلال زيارة هذا الموقع المعتمد بالنسبة لي
asiarooms.com
وبالنسبة للمنتجعات انصحك بزيارة جزيرة جيجو.
والاسعار تبدأ من 30 الي 300 دينار كويتي لليلة الواحدة (( 390 الي 3900 ريال سعودي ))
اقتباس:
المشاركة الأصلية كتبت بواسطة sall_ss
6- التنقلات في كوريا كيف وافضلها ؟
|
كما ذكرت في تقريري المتواضع اغلي شئ عندهم
التاكسي ابو لون اسود مشوارة بو عشر دقايق 3دنانير (( 40 ريال ))
ويجي وراة التاكسي العادي نفس المشوار بو عشر دقائق 1,5 دينار (( 20 ريال ))
ويجي بعدهم الباص العام نفس المشوار بو عشر دقائق 200 فلس (( 2,5 ريال ))
ويجي بعدهم الاندر جراوند وهو مقارب للباص بس ارخص شوي.
اقتباس:
المشاركة الأصلية كتبت بواسطة sall_ss
7- كم تتوقع احتاج ميزانيه في كوريا لاسبوعين ؟
|
التذاكر 450 - 650 دينار (( 6000 - 8500 ريال )) علي حسب شركة الطيران (( 2 كبار + رضيع ))
المصروف 200 - 300 دينار (( 2600 - 3900 ريال )) اكل وشرب فقط لمدة اسبوعين حسب المطعم
السكن 450 - 850 دينار (( 6000 - 11000 ريال)) مدة الاقامة اسبوعين ,والفنادق 5 نجوم
مواصلات 50 - 200 دينار (( 650 - 2600 ريال )) لمدة اسبوعين وعلى حسب نوع المواصلات
منثورات 300 - 450 دينار (( 3900 - 6000 ريال )) لمدة اسبوعين والقصد منها (الاشياء الطيارية)
هدايا 100 - 300 دينار (( 1300 - 3900 ريال )) لعشرين شخص تقريبا.
احتياط 1000 دينار (( 13000 ريال )) ان شاء الله ما تحتاجهم
الاجمالي بدون الاحتياط :
(( 1600 - 2750 دينار )) , (( 21000 - 36000 ريال ))
اقتباس:
المشاركة الأصلية كتبت بواسطة sall_ss
8- هل احتاج اخذ كاش دولارات او تكفي الكردت كارد؟
|
عن نفسي احب اخذ معاي كاش + الكريديت كارد
 مافي سؤال طافني
اضحك معاك اخوي وهذى الساعة المباركة الى تعرفت فيها علي شخص مثلك
مرورك يهمني
|