الموضوع
:
رحــــ لوي ــلــــ فيتون ـــة في ســــ صيف ـــويـســـ2007ــــرا
عرض مشاركة واحدة
04-12-2007, 06:38 PM
#
529
(
permalink
)
لوي فيتون
مسافر خبير
تاريخ التسجيل: Jul 2006
رقم العضوية :101455
المشاركات: 3,972
اليوم التاســــــــــــــــع:
تناولنا الافطار في الاوتيل
ثم وبعد تفكير شديد
للاختيار بين السوق او التوجه الى لوقانو كما في خطتنا السابقه
وطبعا افترض الان انكم عرفتوني
اكيد اخترت السوق
وتسوقت وتسوقت وتسوقت لين تعبت
بمعنى اصح لين تعب زوجي خخخخخخ
بعدها رجعنا للفندق اخذنا الشنط وتوجهنا لمحطه القطار بواسطه الترام
وانطلقنا الى لوقانو
كان اليوم يوافق سبت
وكان القطار مزحوم على غير العاده
!!!
واعتقد الزحمه لانه ويك اند
تعرفت بالقطار على امرأتان
المانيه وسويسريه من اصل جزائري
--->
من كثر الهذرة جبت اصلها خخخخ
وكان يجب تغيير القطار في محطه واحده
والمده بين القطارين 4 او 5 دقائق فقط
طبعا تجهزنا قبل ننزل
وكل واحد منا مسك شنطه
عشان نبدأ الماراثون
نزلنا من القطار بسرررررررعه
ووقفت عشان يشوف زوجي على اي لاين القطار
اعتقد كان لاين 5 بس دورنا اللاين عجزنا نلقاه
ياناس مافيه وقت وينه
؟؟؟!!!!
لما سألنا وبسرعه
قالوا انه ورا على المبنى فيه لاين وهو الي فيه قطاركم
يعني هالقطار ماكان باين ابدا
تصميم هالمحطه غريب
وهنا بدأ الماراثون الفعلي
وانواع الركض
+
تسحيب الشنط
لاحظوا
انا اركض
دودي يركض
زوجي يركض
وبسرعه توجهنا للقطار
...!!!!
لحظه فيه واحد ناقص 1 2 3
وين الرابع
؟؟؟
الاخ جالس يتمخطررررررررررر
ويتأمل في الرايح والجاي
احس انه يطالعنا يقول الحمدلله والشكر انهبلوا اهلي
وزوجي يصرخ تعاااااااال
يا
.... (
كلمات مشفره
)
تعاااااال
وهذا على أأل من مهله
يمشي على قشر بيض
المشكله انا ودودي رحنا القطار
وزوجي ينادي وينادي
ولا يقدر يرجع ياخذه لانه مافيه وقت يرجع يسحبه وهو يسحب الشنطه بنفس الوقت
يبغاه يركض
والاخ ماله دخل فينا
شكله كان يفكر يتبرا منا
ولا انحل الوضع الا لمى جت حرمه سويسريه قدعه
شالته وقامت تركض معانا
لين ركبته بالقطار
طبعا عصب زوجي عليه مررررررررررره اتنكدنا
شفت هذا الرجال بالقطار وقلت له ممكن اصورك وانبسط مررررررررررررة
طبعا انا صورته لانه يشبه واحد عزيز علي أوي بس طبعا اصغر
ولما سولفت مع الجزائريه كانت ساكنه بلوزان وجايه تزور اهلها بقريه بيلينزونا
وقالت ان فيها 3 قلاع اثريه للسياح
شفت من القطار قلعتين بس ما صورتها
لانها كانت بعيده
هذي اسم المحطه
ان شاء الله نكتشف هالقلاع في السنين القادمه
وصورت هالصوره عشان خاطر بدوري
عشان يلهى عن الناس
ابغى بقره حلوة مالقيت غير هالسودا الي الظاهر انها مو بقره
وصلنا لوقانو
وكان في محطه القطار اصلاحات
يعني من اولها غير مرتبه
وقفنا برا المحطه على بال مايسأل زوجي مكتب الاستعلامات وين الفندق وكيف نوصله
؟؟
طبعا الاشكال الي واقفين برا المحطه غير مشجعه تجمعات شباب
فعلا تحس انك قربت من ايطاليا
لما جاء زوجي منرفز يقول اغلب كلامهم ايطالي
نادر ماتلاقي احد يحكي انجليزي
طيب ايش العمل
؟؟؟؟
ما ادري
واحاول اتذكر شي من المنتدى
وما اتذكر الا ان كل الي اخذوا الفندق من الاعضاء معاهم سيارات
وتتقفل في وجهي
قام دق زوجي على الفندق وسألهم
قالوا له عن طريق الكيبل كار
الي هو شي زي التلفريك
ينزلنا من محطه القطار على وسط لوقانو
طبعا احنا كيذا فهمنا برضو من مكتب الاستعلامات
بس ما صدقنا
كيف تلفريك ينزلنا على الاوتيل
اخر شي واحنا بصعوبه صدقنا الموضوع قلنا ننزل
ونشوف
والشنط كانت ثقييييييييييييييييله حتى سحبها يقطع القلب
يعني الاخلاق كانت سياحيه جدا
المهم لما نزلنا من التلفريك
حاسه اني خذلتهم وبمرمطهم لين نوصل للاوتيل
حتى من ضيقه الصدر منزله راسي
--->
متفشله
وارفع راسي
واشوف شي مألوف ياربي وين شفته
---->
الغباء يتحدث
--->
يعني اول مره تجين لوقانو وين ممكن تصيرين شفتيه الا بالمنتدى
واطالع
....
هييييييه هيييييييييييييه
----->
عباره فرح يقولها الطفال عند الانشكاح
هذا اوتيلانا
طبعا كنا اقرب بكثيييييييييييير
لدرجه اني شفت الباب بس باقي المبنى ما شفته من القرب
وانا انشكح وانبسط ومن الوناسه تركنا الشنط برا ودخلنا
وقلنالهم جيبوها
--->
مافينا حيل بعد نشيلها خخخخخخخخخخخ
وبكيذا نكون ولله الحمد وصلنا للاوتيل
تفاصيل الاوتيل باذن الله في الحلقه القادمه
__________________
البحث عن مواضيع لنفس العضو
التوقيع :
[frame="9 80"]
لا إله الا الله وحده لاشريك له له الملك وله الحمد وهو على كل شيء قدير
سبحان الله وبحمده سبحان الله العظيم
سبحان الله والحمد لله ولا اله الا الله والله اكبر
[/frame]
لوي فيتون
إضافة لوي فيتون إلى الإتصالات الخاصة بك
البحث عن المشاركات التي كتبها لوي فيتون