10-11-2007, 08:00 PM
|
#58 (permalink)
|
تاريخ التسجيل: Mar 2005
الدولة: DUBAI
رقم العضوية :18745
المشاركات: 2,450
|
مرحبا اخوي لا تعاتبني
وفعلا لا تعاتبني على التاخير بالرد السموحه
من وجهة نظري بان الفتره السفر (اسبوع ) غير كافيه لزيارة كل هذي الاماكن(بتايا وبوكت ونكوك ) وذلك لقلة الفتره ال راح تمكثوا فيها بتايلند
والحل اقتصر المده اما اتروح بتايا او جزيرة بوكت واخر يومين بانكوك
ولو اني افضل انك تروح بتايا وبعدها بانكوك والسبب (الحالة الماديه) واسعار الفنادق اقل من بانكوك وبوكت
اي يعني بتايا 5 ايام والسكن في فندق ال خلف فندق ال فيسي لا يحضرني اسمه اليله ب 750 بات نظيف والغرف واسعه
واخر يومين ترجع الى بانكوك وتسكن في فندق باتونام رخيص على 100 درهم لليله
اما بالنسبه لصاحبك والمبلغ ال راح يحمله معاه وهو 2000 درهم من غير التذاكر انشاء الله راح تكفيه
في البدايه علينا عزل مبلغ السكن ولمدة 7 ايام ولو حسبنا الليله ب 75 درهم اي ما يساوي 750 بات
75 × 4 ليالي = 300 درهم مبلغ السكن في بتايا ولليله بانكوك ب 100 درهم ليوم
راح يصير المبلغ الكلي للسكن في تايلند (400 درهم لمدة اسبوع )
وسيتم نقص مبلغ السكن من المبلغ تاكلي وهو
2000 درهم - 400 = 1600 درهم اي ما يساوي 16000 بات تقريبا
ولو وزعنا المبلغ المتبقي على عدد الايام راح يطلع معنا المصروف اليومي
1600 ÷ 7 ايام = 228 درهم كمصروف اليوم الواحد اي ما يساوي 2280 بات وهذا مبلغ جيد
واذا كانت الغرف الواحده ليست بعائق ف اسكن في غرفه واحده راح يحل المشكله و يتوفر له مبلغ افضل
ويقول راعي المثل (ربع تعاونوا ما ضلوا )
التعاون شي زين بين الاخوان والاصدقاء وبذات بالسفر ويقول راعي المثل
(ما تعرف قيمة صاحبك الا في السفر )
توكل علي الله ولا تحاتي
ولو انك ماقلت هذا اخوي بوخالد مكروف في الدوام وبشيله معاي لتايلند هيييييه هيي (سوالف)
وانشاء الله اتروح وترجع بالسلامه
واي استفسار انا حاضر
|
|
|