السلام عليكم ... في الحقيقه اخي الكريم موضوعك لامس شي بداخلي واثار فيني ذكرى مليئه بالمواقف السعيده والمشاعر بكل انواعها من قلق وخوف ونشوه بسفرتي الاخيره وبسبب قيادتي للسياره ولاول مره خارج بلادي ..
في الحقيقه يختلف الشعور فعندما تقود السياره برفقة اصدقاء تتشجع وما تبالي والخوف يتلاشى مع اول دقايق لقيادتك السياره ، اما لما يكونون بصحبتك اغلى ماتملك في الدنيا عائلتك ام عيالك واطفالك ومصيرهم يكونون بيدك واي خطأ بسيط يكلفك الكثير وللاسف حتى لا قدر الله انهم نجوا والله ماكتبلك عمر يصير لك هم كيف بيدبرون عمرهم بغيابك في بلد الغربه ..
الله يشهد على اني بت ليله قبل استلام السياره هم وهوجاس ماعرفت اني نمت ولا لا ..

بس على هالتراجيديا احب اقول لاخواني اني استأجرت من فيينا وسلمتها بمطار فرانكفورت وسرت لكل الفعاليات والمزارات بالسياره وماركبت لا قطار ولا باص الحمدالله الله وفقني وسلمني مع العائله وماتوفيقي الابالله .

انصح بقيادة السيارة مع جهاز استدلال والاهم الخارطه فالخرائط اهم شي انها اتوضح كل المداخل والمخارج وموقعك الحالي بالنسبه للمزارات ، ولي رجعه مره ثانيه بالموضوع والسموحه للاطاله ..