مـنـتـدى الـعـرب الـمـسافـرون - عرض مشاركة واحدة - ¨°o.O (رحلتي الصيفية لربوع سوريا 2007) O.o°"

شامي مبندق · 10-09-2007, 11:43 AM

اقتباس:

المشاركة الأصلية كتبت بواسطة y3gop2005

باختصار يا اختي احلى كيميائيه انا اشوف لبنان افضل من سوريا من عدة نواحي اولا كرم شعبها المضياف والحداثه اللي فيها والتطور العمراني افضل من سوريا والشعب اللبناني افضل نعم يوجد استغلاليين بلبنان لكن مو كثر سوريا انتي لو رايحه سوريا بروحج جان انقرصتي لكن باين على زوجج انه مو هين الله يخليلج اياه عارف لهم لكن لبنان تمشين وانتي مرتاحه وبكل ثقه وبالنهاية هذي وجهة نظري واسف على الاطاله

السلام عليكم
مشكور على رأيك

بس بما أني سوري ... وشامي تحديدا ... استفزني كلامك ... استفزني لأبعت مشاركة مو مشان الخناق أكيد

أنت قلت لبنان أفضل ... وأنا معك ... وذكرت النواحي وقدرتها ... بس عندي شوية استفسارات

بتشوف لبنان فيها كرم شعبها .... كيف لمست هالشي ؟؟

فيها تتطور عمراني ... صح ... بس مو مبين لأنو نصف بنايات لبنان مهدمة وآثار الحرب مازالت عليها ... بس وللحق البنايات اللي فيها حلوة ومرتبة ... بس أنا اللي بعرفوا أنو لما بدي أعمل سياحة ما بروح لشوف عمران وبنايات .... يعني اليونان وقبرص ما بتصور فيهم تطور عمراني ... والسياحة فيهون رائعة ... بعرف أنون ما بيتقارنوا مع سوريا أكيد ... بس النتيجة نفسها

وقلت الشعب اللبناني أفضل ... م م م .... كمان ممكن توضح ليش .... لأنو بيعتنوا بشكلون يعني ... ولا لأنو البنات عندون سبور شيك ؟؟؟ ولا بتعجبك لهجتون ؟؟؟

بعدين موضوع الإستغلالين بتقولوا عنو بشكل دائم .... طيب شو هالظلم الدائم لسوريا ... ما عمبفهم ليش ... طبعا كلامي ما بيعني أنو مافي استغلالين ... بس يعني الإستغلال بأي مكان حتى بأرض الله الحرام ... صديقي جاب معو بارفان من سعودية لما كان عمبيساوي الحج ... جاب علبتين ... وحدة طلعة أصلية وريحتها حلوة والتانية تقليد وبلا ريحة ... والتنين بنفس السعر ؟؟؟

وصهري جاب لعبة لبنتو ( قرآن ناطق للأطفال ) وطلع عاطل وما تصلح ؟؟؟

طيب هي مو استغلال وسرقة كمان .... يعني السرقة والإستغلال موجود بكل مكان .... صحيح صار مع صديقي وصهري هالفصلين ... بس ما قلت لا أنا ولا غيري عن السعودية فيها استغلال ونصب

بعدين عمبتقول (( لكن لبنان تمشين وانتي مرتاحه وبكل ثقه ))
أنا هون بخالفك .... لأنون أهل لبنان نفسون ما عمبيمشوا بثقة وبراحة بقلب بلدون ... فما بالك الغريب

بعدين لو لبنان فيها راحة ما كان هاجر 70 % من شعبها

طبعا أنا برجع وبقول .. أنا عمبحكي هالكلام من وجهة نظر محايدة ... لأني بحب بلدي ... وبحب يلي بينتقدني بس بمنطق ... لهيك حابب تجاوبني على استفساراتي أخي الكريم ... وآسف للإطالة ... وما أقصد الإزعاج أبدا

ودمتم

__________________

البحث عن مواضيع لنفس العضو