السلام عليكم ورحمة الله وبركاته ..
خلني أقص عليك تجربتي العام الماضي .. لعل الواحد يستفيد منها ..
أول ما عزمت على السفر لماليزيا تهيأت بكل شيء ماعدا الطريقة التي تـنصرف فيها مع النقود ، ولكن الحمد قبل مدة من ذهابي دخلت موقع المسافرون العرب وشفت انهم يتكلمون عن انه لازم يكون معك كاش تتصرف فيه وبطاقة الصراف العادي تصرف من هناك ..
وقبل السفر بليلة كنت أدور على صرافات البنوك وخصوصا الراجحي ودي أصرف دولارات ولكن قدر الله وماشاء فعل لم اتمكن تلك الليلة من صرف أي مبلغ . أعطاني أخوي مبلغ 65 رنجت كانت متبقيه معه من العام الماضي قال يمكن تحتاجها ، قلت في نفسي أبصرف من المطار .. وذهبت للمطار وترتبت الأمور معي تمام حتى ختمت جوازي وجواز أم العيال والأطفال .. المهم يوم دخلت صالة المغادره النهائية رحت أدور على صراف ، ولا حصلت سألت موظفي الجوازات قالوا لي أنت تعديت أجهزة الصراف قلت خلوني أروح أصرف وأجي قالوا ما نقدر لأنك مختم على جوازك بالخروج .. قلت خوذوا جوازي وعيالي شايفينهم دخلوا صالة المغادرة حتى أروح وأصرف وأجي لكن دون فائدة ، صراحة طقني الهم طول الطريق وقعدت أضرب أخماس بأسداس وشلون لو الصرافة ما صرفت هناك وشلون أتصرف ، الحمد لله وصلت كوالالمبور وحصلت المرشد السياحي ينتظرني في المطار وأخذني أنا وعيالي للسكن وسكنا وقال بمر عليك اذا ارتحت تروح تصرف لي مبلغ تحت الحساب ,, رحت أنا وإياه لم جهاز الصراف ودخلت البطاقة ودخلت الرقم السري وانشغلت مع المرشد السياحي أسولف معه فجأة الصرافة سحبت البطاقه ، قلت هذا اللي حنا خايفين منه وكنت قريت من الشباب هنا في المنتدى ان العمليه صعبه حتى تسترد بطاقتك ، لكن بالصدفة قال لي صاحبي (المرشد السياحي ) انتظر المسئولين عن الآله توهم ما راحوا راح لمهم وشرح لهم اللي حصل فتحوا المكينه وطلعوا بطاقتي وطابقوا الاسم على البطاقه مع الاسم على الجواز ورجعو لي البطاقه صرفت وأعطيت المرشد السياحي دفعه تحت الحساب واحتفظت بالباقي ..
هذا درس يعلمنا شيئين :
1. ان الاعتماد على البطاقه قد يسبب لك الاحراج
2. انك تصرف فلوس بدري قبل مايزحمك الوقت وإنك تصرف قبل ماتختم جوازك وتتوهق .
الغريبه ياجماعه اني قبلها بأيام محلم اني وصلت لماليزيا ودخلت البطاقه في الصراف ولا صرفت ويوم ابعدت عنها شوي بدت تكب من الفلوس بعملتنا ( الريال السعودي )
أتمنى أن تجدون مع هذا الرد الفائده ..
شكرا لكم
التعديل الأخير تم بواسطة وشاح العز ; 06-06-2007 الساعة 01:29 PM
سبب آخر: أخطاء إملائية
|