الموضوع: بالتفصيل والصور .... طريقة الحجز من طيران AirAsia
عرض مشاركة واحدة
قديم 28-05-2007, 12:18 AM   #9 (permalink)
مسافر مختب
عائلة آل مختب
 
الصورة الرمزية مسافر مختب
 
تاريخ التسجيل: Jan 2005
رقم العضوية :17252
المشاركات: 1,963




افتراضي

بسم الله الرحمن الرحيم...


السلام عليكم اولا..
ثانيا حبيت اقدم موضوع مبسط.. من وحي موضوع اخوي مهند 96 اللي سواه عن طريقة الحجز في الفنادق من موقع اسيا ترافيل..
وشفت الكثير من الاخوان والاخوات استفادوا منه..
فحبيت اشارك بنصيبي من المواضيع المفيده باذن الله.. واخترت طيران اسيا اير لانه كثرت الاسئله عنه...



اولا الموقع اللي تدخل عليه هو التالي..

http://www.airasia.com/site/en/home.jsp





الان في الجهه اليسرى المخصصه للحجز..
الخطوه الاولى هي تحديد ان كان رحلتك ذهاب بس
والا ذهاب وعوده












وهنا نلقى القوائم اللي نحدد فيها من وين الى وين نبي نحجز
(نقطة الاقلاع ونقطة الوصول)











وبعدين نحدد التاريخ للسفر















وبعدها تحديد عدد الركاب..












وبعدها اذا خلصنا وحددنا كل المعلومات..
نضغط خيار البحث search

















هنا سويت طلب حجز افتراضي..
مقعدين من كوالالمبور الى بينانغ في السابع من يوليو


وضغطت search













وبعدها طبعا (بعد البحث) راح تظهر لي قائمة بالرحلات اللي عليها امكانية حجز هذاك اليوم
وايضا اليومين اللي بعدها..


ملاحظه هامه... ترا السعر هنا مابعد اضيف اليه الضرايب..











هنا اخترت الرحله اللي تناسبني.. بسعرها ووقتها..


وحطيت عليها نقطه











اكمل الصفحه علشان انتقل للي بعدها



(هنا خلصنا من صفحة اختيار الرحله)





وتجي بعدها الصفحه اللي تبين فيها اجمالي السعر مع الضرايب...







بالاضافه الى انه لازم تعبي فيها اسماء وبيانات المسافرين واحد واحد..
واحرصوا على ان ارقام الجوازات واملاء الاسم يكون صحيح 100% لانهم يدققون عليها بالمطار..







هنا انا عبيت مسافر مختب ومسافره مختبه..(مثال يعني) <<< لاياشيخه نحسبه اسمكم الصدقي









خلصنا الحين... ننتقل لاسفل الصفحه..
فيه حركه جديده توهم مسوينها.. انه ممكن تدفع زياده 20 رينقيت علشان تصير اول بالطابور..
لان نظامهم (من سبق لبق)









الحين ننتقل لصفحة بينات اللي مسوي الحجز

اللي هو انت..(رب الاسره)







هنا انا عبيت مسافرنا المختب كمثال









الخيار اللي بعده اذا كنت حاب تسوي لك عندهم رقم حساب علشان لو حبيت ترجع مره ثانيه مايحتاج تعبي البيانات مره ثانيه
كتسهيل عليك يعني
يحتفظ باسمك وعنوانك ..لكن بيانات الفيزا والماستر كارد مايحتفظ فيها... لاتخافون


ومهوب الزامي انك تعبيه وتخلق لك اكاونت..
ممكن تترك فارغ وتنتقل للي بعده..




اللي هو التامين..
وهي قيمة اضافيه تدفعها لو لا سمح الله ضاع عفشك او صار للطياره شي وانت فيها يعوضون ورثتك
بالنسبه لي ماعمري اخترتها
الله خير حافظ ومااعتقد انه يجوز والا لا؟
ياليت احد يفيدنا


اول ماتختار no يبي ينط لك مسج يقولون... هااااااه... ترا تبي تتحسف...
انتبه.. خذه
اسفهوها واضغطوا ok





خلصنا الحين ونجي لصفحة بيانات الدفع ببطاقات الائتمان
البطاقات اللي يقبلون فيهاا في الفيزا والماستركارد...
والفلوس راح تنسحب فورا..
احرصوا على صحة المعلومات..
والموقع باذن الله آمن لاتخافون مجرب..








وهذي اخر خطوه...في الحجز
تعبي بياينات البطاقه الائتمانيه.. وcontinue

وبعدها راح ينخصم من رصيدك...
وراح يعطونك رقم حجز تحتفظ فيه..
وراح يرسلون لبريدك زي الفاوتشر..او التذكره الالكترونيه (مهوب التكرونيه)
على شكل ملف pdf
تطبعها وتاخذها معك للمطار... ورحلة سعيده باذن الله..

وحنا جربنا الطيران هذا.. واضمن لكم مصداقيتهم باذن الله ومستواهم..
واي سؤال انا حاضره..





اختكم مسافره مختبه ..



(ملاحظه هامه...مطار اير اسيا غير مطار كوالالمبور الدولي,,,
هو مطار محلي خاص بهم.. قبل الدولي بشوي.. بلغوا راع التاكسي انه اير اسيا وهو راح يعرف)

التوقيع :
يعتمد.. ويختم على هذا الرد...
http://www.t7ml.com/uploads/70b1c2c380.jpg
(حنا عائلتين نسمع بالتايم شير وقررنا نطبقها على هاليوزر...علشان كذا لاتستغربون كثرة وجودنا باغلب الاقسام)

(مع الشكر الجزيل لمهند96 وحواس على تبرعاتهم الكريمه للصورة الرمزيه والتوقيع
مسافر مختب غير متواجد حالياً